बैगा आदिवासी रामलाल के पक्का घर के सपना होईस साकार, जनमन आवास ले जिनगी म आइस खुसहाली

CHHATTISGARHI NEWS: कोरिया, प्रधानमंत्री नरेन्द्र मोदी कोति ले विशेष पिछड़ी जनजाति बैगा परिवार के जिनगी म जनमन योजना ह एक बड़का बदलाव लाये हे। कोरिया जिला के ग्राम पंचायत गेजी निवासी रामलाल के दैनिक जीवन सिरिफ मजदूरी ले मिलइया आय उपर निर्भर रहिस, जेकर से परिवार बर पक्का मकान बनाना असंभव जइसे रहिस। प्रधानमंत्री जनमन आवास ह ओला अपन पक्का मकान के मालिक बना देहे हे, अउ अब ये परिवार बर अपन सामाजिक स्थायित्व अउ अलग पहचान मिल गए हे।
कोरिया जिला के बैकुंठपुर जनपद पंचायत के दूरस्थ ग्राम पंचायत गेजी एक अनुसूचित जनजाति बाहुल्य गांव हे। इहां अधिकांश बैगा परिवार निवास करथे। रामलाल बर मजदूरी करके पक्का मकान बनाना आसान नइ रहिस, फेर प्रधानमंत्री के सोच ह एला हकीकत म बदल देहे हे।
रामलाल पहिली कच्चा घर म रहत रहिस। बरसा अउ ठंड के मौसम म अपन छोट-छोट लइका के सुरक्षा ला लेके अक्सर पति-पत्नी ला रात म नींद नइ आवत रहिस। परिवार ह बताइस के जब से प्रधानमंत्री जनमन योजना ले आवास मिले हे, हर परेशानी खतम होगे हे। अब बारिश अउ ठंड म सुरक्षा बर कोनो दिक्कत नइ होवत हे। प्रधानमंत्री जनमन योजना के तहत बने पक्का मकान रामलाल बर सिरिफ समस्या के निराकरण नो हे, बल्कि ओखर सामाजिक पहचान घलो बन गए हे। खुश होके रामलाल ह कहिस के का बर चिंता करना जब देश के मुखिया ला हमार चिंता हे। जनमन आवास ले ओखर लइका मन के सुरक्षा के चिंता खतम होगे हे।