राजनांदगांव ले अयोध्या बर रवाना होइस रामलला दर्शन विशेष ट्रेन, श्रद्धालुमन मा भारी उत्साह

राजनांदगांव, मुख्यमंत्री विष्णु देव साय के पहल अउ पर्यटन मंत्री राजेश अग्रवाल के मार्गदर्शन मा चलत ‘रामलला दर्शन योजना’ के तहत अब तक 50 हजार ले जादा श्रद्धालुमन अयोध्या धाम जाके रामलला के दर्शन कर डरे हें। इही कड़ी मा राजनांदगांव रेलवे स्टेशन ले विशेष ट्रेन ल छत्तीसगढ़ टूरिज्म बोर्ड के अध्यक्ष नीलू शर्मा, महापौर मधुसूदन यादव अउ आन जनप्रतिनिधि मन ह हरी झंडी देखाके अयोध्या बर रवाना करिन।
ए बेरा मा पूरा स्टेशन परिसर ‘जय श्रीराम’ के जयकारा अउ भजन-कीर्तन ले गूंज उठिस। ट्रेन के दुर्ग स्टेशन पहुँचे मा विधायक ललित चंद्राकर, जिला पंचायत अध्यक्ष सरस्वती बंजारे अउ अेन अधिकारी मन ह तीर्थयात्रीमन के आत्मीय स्वागत करिन अउ ओमन ल यात्रा के बधाई दिन। योजना ले दूर-दराज के श्रद्धालुमन बर अयोध्या धाम के यात्रा सहज अउ सुलभ होगे हे, जेखर ले प्रदेश मा धार्मिक पर्यटन ल घलो बढ़ावा मिलत हे।