मुख्यमंत्री ल अखिल भारतीय रामनामी बड़े भजन मेला के नेवता

Surabhi Tiwari

रायपुर, मुख्यमंत्री श्री भूपेश बघेल ले पाछू दिन विधानसभा परिसर स्थित ऊंखर कार्यालय कक्ष म जांजगीर-चांपा जिला के मालखरौदा विकासखण्ड के ग्राम पिकरीकला ले आए अखिल भारतीय रामनामी बड़े भजन मेला समिति के प्रतिनिधि मण्डल ह विधायक श्री रामकुमार यादव के नेतृत्व म मुलाकात करिन।
उमन मुख्यमंत्री ल बताइन कि ग्राम पिकरीपार म 6 जनवरी ले 8 जनवरी तक अखिल भारतीय रामनामी बड़े भजन मेला के आयोजन करे जात हे। प्रतिनिधि मण्डल ह ये मेला म ओ मन ल मुख्य अतिथि के रुप म सामिल होए के आमंत्रण दीन। मुख्यमंत्री ह आमंत्रण बर प्रतिनिधि मण्डल ल धन्यवाद देवत आयोजन के सफलता बर शुभकामना दीन। प्रतिनिधि मण्डल म अखिल भारतीय रामनामी बड़े भजन मेला समिति के अध्यक्ष श्री दूजराम धिरहे, उपाध्यक्ष श्री मनहरण संग श्रीमती जानकी, श्रीमती खेतबाई अऊ मेला समिति के बहुत अकन सदस्य सामिल रहिन।

लउछरहा..