रायपुर, मुख्यमंत्री श्री भूपेश बघेल ह कबीरधाम जिला के विधानसभा पंडरिया के ग्राम महली हाई स्कूल प्रागंण म वीर सपूत शहीद रामस्वरूप चंद्राकर के प्रतिमा के अनावरण करिन। प्रतिमा के अनावरण करे के बाद मुख्यमंत्री श्री बघेल ह शहीद के माता श्रीमती फुलवादेवी अऊ उंखर पत्नी श्रीमती प्रतिमा देवी अउ ऊंखर परिवार के आन सदस्य मन ले भेंट-मुलाकत करके सबो के हाल-चाल जानिन। मुख्यमंत्री श्री बघेल ह अपन संक्षिप्त कार्यक्रम म गांव वाले मन ल संबोधित करत शहीद रामस्वरूप चंद्राकर कोति ले करे गए देश भक्ति सेवा के सुरता करिन। उमन कहिन कि देश के सुरक्षा म लगे भारत के लाखों वीर सपूत मन के सेती आज हम सब अमन अऊ चैन के जिंदगी जीयत हन। उंखर राष्ट्रभक्ति अऊ देश बर देहे गए योगदान अवइया पीढ़ी बर घलोक प्रेरणा के स्रोत बनही। ये बेरा केबिनेट मंत्री अऊ कवर्धा विधायक श्री मोहम्मद अकबर अऊ पंडरिया विधायक श्रीमती ममता चंद्राकर, बिलासपुर विधायक श्री शैलेष पाण्डेय, श्री नीलकंठ चंद्रवंशी, जिला पंचायत सदस्य श्री तुकाराम चंद्रवंशी, श्री लाल बहादुर चंद्रवंशी, श्री नवीन जायसवाल अउ आन जनप्रतिनिधि संग संग मुख्यमंत्री के सचिव श्री सिद्धार्थ कोमल परदेशी, दुर्ग संभागायुक्त श्री महादेव कावरे, दुर्ग रेंज के आईजी श्री बी.एन. मीणा, कलेक्टर श्री जनमेजय महोबे, पुलिस अधीक्षक डॉ. लाल उमेंद सिंह मौजूद रहिन।
मुख्यमंत्री श्री भूपेश बघेल ह शहीद रामस्वरूप चंद्राकर के प्रतिमा के करिन अनावरण
