नारायणपुर, 31 दिसम्बर 2020। डबरी निर्माण होए ले श्री रामू कुमेटी ल फसल मन ल पानी देहे म अब दिक्कत नई होवत हे अऊ फसल के अच्छा उत्पादन घलो होवत हे। जेखर ले उंखर आर्थिक स्थिति मजबूत बनिस। नारायणपुर जिला के ग्राम पालकी म शासन के मनरेगा योजना के तहत श्री रामू कुमेटी ह डबरी निर्माण करवाइस। श्री रामू अऊ उंखर परिवार के आजीविका पूर्णतः कृषि ऊपर निर्भर हे। डबरी निर्माण के पहली श्री रामू के तीर सिंचाई सुविधा नई होए ले वो कई बछर ले वर्षा के पानी ऊपर निर्भर रहिस, जेखर ले खेत म फसल के उत्पादन कम होवत रहिस। वर्तमान म डबरी के निर्माण होए ले सिंचाई के सुविधा उपलब्ध होए ले धान के फसल म वृद्धि होए हे।
डबरी निर्माण होए के पहली के स्थिति ल बतात हुए श्री रामू ह बतइस कि डबरी निर्माण होए ले पहली उंखर भूमि म वर्षा के पानी नई रूकत रहिस, जेखर सेती अच्छा फसल नई होवत रहिस। आज डबरी निर्माण होए के बाद वर्तमान म भूमि म फसल बढ़े हे। जेखर ले जल संरक्षण होए हे अऊ भूमि के जल स्तर बढ़े हे।
