रायपुर : राजनांदगांव सी-मार्ट ले 2.14 करोड़ रूपिया के समान के बेचरी

सी-मार्ट म रीपा के प्रोडक्ट होही उपलब्ध
रायपुर, 09 जुलाई 2023
राज्य शासन ब ग्रामीण अर्थव्यवस्था के विकास करे ब गाँव म तियार उत्पाद ल शहर के मार्केट ले जोडे़ ब सी-मार्ट योजना कारगर साबित होवत हे। एकर माध्यम ले ग्रामीण क्षेत्र ल बढ़ावा देहे ब गांव म स्थानीय स्तर म तियार उत्पाद ल शहर के बजार ले जोडे़ गय हे। राजनांदगांव अउ डोंगरगढ़ शहर म सी-मार्ट स्थापित करे गय हे। 
राजनांदगांव जिला के सी-मार्ट केन्द्र ले अभी तक 2 करोड़ 14 लाख 95 हजार 764 रूपिया के जिनिस के बेचरि होइस हे, जे ह प्रदेश म दूसर स्थान म हे। समूह के महिला मन अउ पारंपरिक कुटीर उद्योग द्वारा 2 हजार 617 प्रकार के निर्मित उत्पाद के बेचरी करे गए हे। सी-मार्ट म बने पैकेजिंग के संग पंरपरागत समेत दूसर जिनिस के घलो बेचरी करे जाथ हे। जेमा लोगन मन के रूझान घलो बाढ़ीस हे अउ जनसामान्य मन ह खरीदी घलो करत हे। 
    सी-मार्ट ले आश्रम-छात्रावास, स्कूल, आंगनबाड़ी, स्वास्थ्य, महिला अउ बाल विकास विभाग समेत दूसर विभाग द्वारा खाद्यान्न अउ कतको प्रकार के आवश्यक जिनिस घलो बिसाये जाथ हे। सी-मार्ट ले समूह के महिला मन अउ पारंपरिक कुटीर उद्योग द्वारा निर्मित उत्पाद ल मार्केट अउ बेहतर मूल्य मिलत हे। ग्रामीण अउ महिला समूह कती ले स्थानीय स्तर म उत्पादित जिनिस सी-मार्ट म जनसामान्य ब उपलब्ध हे। जैविक उत्पाद के छोड़े विभिन्न प्रकार के मसाला अउ खाद्य पदार्थ के वेरायटी ईहां उपलब्ध हे।
सी-मार्ट म आरूग जैविक सुगन्धित चावल, आरूग जैविक कोदो, रागी आटा, हरदी, काला चाउर, आरूग शहद, हिमालयन काला नमक, अदोरी बड़ी, गरम मसाला, मूंग पापड़, आंवला अचार, पोहा, महुआ चिक्की, महुआ लड्डू, मशरूम के अचार, मशरूम के पापड़, वैदिक पेय, नीम दंत मंजन, सेनेटरी पैड, गौधूली तिलक चंदन, देशी गाय के गोबर का कंडा, शुद्ध आम की लकड़ी, पत्तल, मसाला, चावल पापड़, पास्ता, धनिया पाऊडर, मिर्ची पाऊडर, साबुन, फिनाईल, बैग उपलब्ध हे। पर्स, बुनकर के हस्तनिर्मित बेडशीड, टॉवेल, रूमाल अउ अन्य उत्पाद घलो इहां उपलब्ध हे। सी-मार्ट म अब रूरल इंडस्ट्रियल पार्क रीपा म उत्पादित प्रोडक्ट घलो उपलब्ध रही।
    उल्लेखनीय हे कि राज्य सरकार कती ले ग्रामीण अर्थव्यवस्था के विकास अउ गाँव म तियार उत्पाद ल शहर के मार्केट ले जोडे़ ए ए पहल सार्थक साबित होवत हे। महिला स्व- सहायता समूह, शिल्पि, बुनकर, दस्तकार, कुंभकार अउ दूसर पारंपरिक अउ कुटीर उद्योग ले निर्मित उत्पाद ल मार्केट अउ बेहतर मूल्य देवाय ब शहर म आधुनिक शो-रूम असन सी-मार्ट स्थापित होवत हे। 
Neha Rathore