दंतेवाड़ा, जिला न्यायालय परिसर ले रेप के आरोपी के फरार होए के खबर निकलके आगू आए हे। बलात्कार के आरोपी के नाम राहुल सेंड्रा बताए जात हे, तेन ह दंतेवाड़ा कोर्ट परिसर ले फरार हो गए हे। ए बात उप्पर ले पुलिस विभाग म हड़कंप मच गए हे। जानबा के मुताबिक, बीजापुर जिला ले मुजरिम ल दंतेवाड़ा जिला अऊ सत्र न्यायालय म पेसी बर लाए गए रहिस। कोर्ट परिसर के अंदर कैंटीन म खाना खात खानी आरोपी ह पुलिस ल चकमा देके फरार हो गए। दंतेवाड़ा पुलिस पेट्रोलिंग पार्टी फरार आरोपी के खोजबीन करत हे। थाना प्रभारी दंतेवाडा सौरभ सिंह ह घटना के पुस्टि करे हे।
Rape accused, Section 376, Court sentence, Bijapur, Dantewada District and Sessions Court