21 लाख 15 हजार राशन कार्डधारी मन ह करिन नवीनीकरण बर ऑनलाइन आवेदन

रायपुर, 01 फरवरी 2024। छत्तीसगढ़ म सार्वजनिक वितरण प्रणाली के अंतर्गत अभी हाल म प्रचलित सबो 77 लाख राशनकार्ड मन के नवीनीकरण के काम 25 जनवरी ले जारी हे। 01 फरवरी के स्थिति म केवल एक हफ्ता के भीतर 21 लाख 15 हजार राशन कार्डधारि मन ह नवीनीकरण बर आवेदन प्रस्तुत करे हें। राशनकार्ड मन के नवीनीकरण बर खाद्य विभाग के ऑनलाइन सुविधा के मनखे मन भरपूर लाभ उठावत हें अऊ खुद अपन मोबाइल ले खाद्य विभाग के एप के जरिये राशनकारड के नवीनीकरण बर आवेदन प्रस्तुत करत हें।
जानबा हे कि राशनकार्ड नवीनीकरण 25 जनवरी ले 15 फरवरी 2024 तक करे जात हे। विभाग ले मिले जानकारी के मुताबिक पहिली स्थान म बालोद जिला म कुल 2 लाख 21 हजार 809 हितग्राही मन म ले 1 लाख 13 हजार 606 हितग्राही मन ह अपन ऑनलाईन आवेदन जमा करे हें। अइसनहे दूसर स्थान म कांकेर जिला म कुल 1 लाख 87 हजार 998 हितग्राही मन म ले 75 हजार 698 हितग्राही मन ह अपन ऑनलाईन आवेदन जमा करे हें अऊ तीसर स्थान म धमतरी जिला म कुल 2 लाख 42 हजार 319 हितग्राही मन म ले 95 हजार 453 हितग्राही मन ह अपन ऑनलाईन आवेदन जमा करे हें।
राशनकार्ड नवीनीकरण बर खाद्य विभाग के संग खाद्य नागरिक आपूर्ति अउ उपभोक्ता संरक्षण विभाग के नवा मोबाईल एप्प तैयार करे गए हे, एला प्ले स्टोर म जाके डाउनलोड करे जा सकत हे। राशनकार्डधारी अपन मोबाईल म ए एप्प के संग नवीनीकरण बर इलेक्ट्रानिक आवेदन ऑनलाईन प्रस्तुत कर सकत हें। अइसन हितग्राही जिकर पास एन्ड्राईड मोबाईल नइ हे या जहां मोबाईल कनेक्टिविटी नइ हे उहां उचित मूल्य दुकान स्तर म ऑनलाईन प्रक्रिया के साथ राशनकारड के नवीनीकरण बर इलेक्ट्रानिक आवेदन प्रस्तुत करे के सुविधा घलोक देहे जात हे।