दुर्ग, आज चन्द्रमा उत्तराफाल्गुनी नक्षत्र म हे अऊ मीन राशि हे। सुरुज कर्क अऊ शनि मकर म हे, गुरु मीन म हे। आन ग्रह मन के स्थिति पहिली जइसे हे। आज मेष, तुला अऊ मकर राशि के जातक व्यवसाय म सफलता प्राप्त करहीं। कर्क अऊ मकर राशि के जातक जॉब म नवा अवसर अऊ पंदोली पाहीं। आज मेष अऊ मीन राशि के जातक चन्द्र अऊ शनि गोचर के सेती व्यवसाय म चेतलग रइहीं। अब पढ़व सबो रासी के अलग अलग फल-
मेष राशिफल
आज राशि मालिक मंगल अऊ शुक्र शुभ हे। चन्द्रमा अऊ शनि जॉब म नवा उत्तरदायित्व दे सकत हे। जॉब ल लेके तनाव रहिही। रिश्तेदारी म विवाद के संभावना हे। सुखद यात्रा के संयोग हे। लाल अऊ पीला रंग शुभ हे।
वृष राशिफल
आज के दिन जॉब बर थोकन संघर्ष के हे। व्यवसाय म रुके धन के आगमन हो सकत हे। जॉब म प्रमोशन के रद्दा खुलही। नीला अऊ नारंगी रंग शुभ हे। शुक्र के बीज मंत्र के जाप करव।
मिथुन राशिफल
आज के दिन जॉब बदलाव सम्बन्धी कोनो निर्णय सोच समझ कर ही लेवव। नवा व्यवसाय बर आगू बढ़ सकत हव। सफेद अऊ आसमानी रंग शुभ हे। तिल अऊ उड़द के दान करव।
कर्क राशिफल
चन्द्रमा मन के कारक ग्रह हे जऊन कि आज भाग्यभाव म हे। धार्मिक काम मन म व्यस्त रइहु। लाल अऊ पीला रंग शुभ हे। कोनो बकाया धन मिलही। हनुमान के उपासना करव। पिता के चरण स्पर्श कर आशीर्वाद लेवव।
सिंह राशिफल
ये राशि ले अष्टम चन्द्रमा अऊ द्वादश सुरुज व्यवसाय म कोनो नवा अनुबंध ले लाभ देही। आज धार्मिक योजना ल टालना ठीक नइ हे। पीला अऊ नारंगी रंग शुभ हे। सुंदरकांड के पाठ करव अऊ अन्न के दान करव।
कन्या राशिफल
चन्द्रमा इही राशि ले पंचम अऊ गुरु सप्तम हे। पॉलिटिक्स म सफलता ले प्रसन्नता होही। गणेश जी ल दूबी चढावव। नीला अऊ बैगनी रंग शुभ हे। गाय ल गुड़ खवाव अऊ मसूर के दान करव।
तुला राशिफल
चन्द्रमा पंचम अऊ शनि मकर म वक्री हे। व्यवसाय ल लेके बड़का लाभ संभव हे। श्री सूक्त के पाठ करव। आज मेष अऊ मकर के सहयोग मिलही। नीला अऊ हरियर रंग शुभ हे। वाहन परयोग म नियंत्रण रखव।
वृश्चिक राशिफल
सुरुज कर्क, चन्द्रमा अऊ गुरु पंचम मंगलमय हे। आज के दिन पॉलिटिक्स बर सफलता के हे। मेष अऊ कन्या राशि के संगी मन सहयोग करहिं। लाल अऊ नारंगी शुभ हे। मंगल के द्रव्य मसूर के दार अऊ लाल फल के दान करव।
धनु राशिफल
आज चन्द्रमा चतुर्थ, सुरुज अष्टम म हे। जॉब अऊ व्यवसाय ल लेके सुखद समाचार के प्राप्ति होही । व्यवसाय म नवा अनुबंध ले उन्नति के संकेत हे। हरियर अऊ आसमानी रंग शुभ हे। मूंग अऊ गुड़ के दान करव।
मकर राशिफल
चन्द्रमा मीन अऊ गुरु घलोक उही राशि म, ये राशि ले तीसरईया रइही। शनि ये राशि के शुभ हे। हेल्थ के प्रति सावधान रहव। शिक्षा म प्रोग्रेस हे। व्यवसाय म सफल रइहु। नीला अऊ बैगनी रंग शुभ हे।
कुंभ राशिफल
चन्द्रमा अऊ गुरु ये राशि ले दूसर म शुभ स्थिती बनावत हे। ये राशि के चन्द्रमा अऊ मंगल शुभ लाभ देही। जॉब म नवा काम सुरू होही। खष्ठम सुरुज आत्मबल म बढ़ोतरी करहि। हरियर अऊ नारंगी रंग शुभ हे। भगवान शिव के उपासना करव अऊ अन्न दान करना श्रेयष्कर हे।
मीन राशिफल
ये राशि म गोचर करत गुरु अऊ चन्द्रमा गजकेसरी नाम के शुभ फल देही। पंचम सुरुज ले शुभता बढ़ही। धन आगमन के संकेत हे। संतान के प्रगति ल लेके मन प्रसन्न रइही, वोकर शिक्षा सम्बंधित काम मन म व्यस्त रइहु। पीला अऊ नारंगी रंग शुभ हे।