राष्ट्रीय पोषण महिना अभियान के होइस समापन: सही खान-पान बर मनखे मन ल जागरूक करे बर होइस कई गतिविधि

रायपुर, कुपोषण अउ एनीमिया के स्तर म व्यापक कमी लाय बर आयोजित राष्ट्रीय पोषण महिना के गुरूवार के दिन समापन होइस। प्रदेश म एक ले 30 सितमबर तक जन-आंदोलन के रूप म राष्ट्रीय पोषण महिना के आयोजन करे गीस। ये दौरान कई ठन गतिविधि मन के माध्यम ले मनखे मन म सही खान-पान के प्रति जागरूकता लाय बर कई कार्यक्रम आयोजित करे गीस। पोषण महिना के समय स्थानीय जनप्रतिनिधि, अधिकारी अउ आम नागरिक मन के सहयोग ले कुपोषण छोड़ पोषण कोति, थामें क्षेत्रीय भोजन के डोर‘, हर घर पोषण त्यौहार अऊ चलो अपनाये पोषण व्यवहार के संदेश ल शहरी अउ ग्रामीण क्षेत्र के हर एक घर तक पहुंचाए के काम करे गीस। पोषण अऊ स्वच्छता के प्रति जागरूकता के साझा प्रयास ल प्रभावी बनाए बर महिला अउ बाल विकास विभाग के अगुवाई म कई विभाग अऊ संस्था मन एकजुट होइन।
जानबा हे कि साल 2018 ले पूरा देश म पोषण अभियान के संचालन करे जात हे। पोषण पखवाड़ा म राज्य सरकार मन संग कई ठन संस्था मन कोति ले सक्रिय सहयोग करके गांव-गांव तक मनखे मन ल जागरूक करे जात हे। प्रदेश म राष्ट्रीय पोषण महिना के समय आंगनबाड़ी कार्यकर्ता, मितानिनों कोति ले गृह भेंट, स्थानीय त्यौहार ल पोषण ले जोड़ते होइन गतिविधि मन के आयोजन, दीवार लेखन, पोषण म चर्चा, लइका मन के वजन लेकर कुपोषण के आंकलन, पोषण वाटिका के विकास, किशोरी बालिका जागरूकता अभियान संग कई गतिविधि मन के आयोजन करे गीस। स्वस्थ जीवन बर योग के महती भूमिका ल देखते होइन ये साल पोषण अभियान म योग ल घलोक सामिल करे गीस। आयुष विभाग अऊ योग आयोग के सहयोग ले लइका मन, किशोरियों, महिलाओं, गर्भवती स़्ित्रयों ल योगाभ्यास कराया गीस। योगासन ले गर्भवती महिलाओं ल सुरक्षित अऊ सामान्य प्रसव बर सहायता मिलही।
आंगनबाड़ी कार्यकर्ता मन कोति ले महिला मन ल प्रसव पूर्व जांच, गर्भावस्था के समय रखे जाय वाले सावधानी, स्वच्छता अउ साफ-सफाई के संबंध म बताए गीस। महिला मन ल लइका मन के उमर अउ वजन के अनुसार ऊंखर खान-पान म विशेष ध्यान दे के समझाईश देहे गीस। संगेच ओ मन ल बताए गीस कि लइका मन के पोषण स्तर म सुधार बर ओ मन ल स्तनपान के संगेच समय म पौष्टिक आहार देना जरूरी हे। सबो प्रकार के खनिज तत्व वाले भोजन, हरीयर साग:भाजी, दाल, अंडा, दूध, फल आदि भोज्य पदार्थ लइका मन के भोजन म सामिल करे बर कहे गीस। छोटे लइका मन ल लउहे स्तनपान अउ 6 महिना तक संपूर्ण स्तनपान कराए बर प्रेरित करे गीस। संगेच कुपोषित लइका मन के लउहे पहिचान करके ओ मन ल कुपोषण चक्र ले बाहिर निकाले बर बरते जाय वाले सावधानी मन के बारे म जानकारी देहे गीस। लइका मन के खान-पान म विशेष ध्यान देहे बर महिला मन ल जागरूक करे गीस। ओ मन ल लइका मन ल नियमित रूप ले आंगनबाड़ी केन्द्र लाय गरम भोजन संग पौष्टिक आहार प्रदान करे बर प्रोत्साहित करे गीस।