रतनपुर —कोटा म कोविड केयर सेंटर होवत हे तियार : प्रशासन कोति ले युद्ध स्तर म करे जावत हेे बूता

बेलासपुर 07 मई 2021 शुकवार। कोविड ले निपटे बर प्रशासन कोति ले मरे—जीओ उदीम करे जावत हेे। 10 दिन म रतनपुर के लखनी देवी मंदिर परिसर म आक्सीजन बेड के बड़का इंफ्रास्ट्रक्चर तियार कर डारेे हावय। कोटा विकासखण्ड म सी.वी.रमन यूनिवर्सिटी परिसर म तको कोविड केयर सेंटर के तियारी अंतिम चरण म हवय।
कलेक्टर डाॅ.सारांश मित्तर हर दिन आक्सीजन बेड बढ़ाए अउ इंफ्रास्ट्रक्चर पोठ करे के दिशा म युद्ध स्तर म बूूता करत हावय। कलेक्टर कहीन कि कमती बेरा म जिला म कोरोना मरीज मन के उपचार बर जादा लेे जादा आक्सीजन बेड उपलब्ध कराए केे दिशा म उदीम करे जावत हे । इही कड़ी म कलेक्टर ह सबले पहिली विकासखण्ड कोटा म सीवी रमन यूनिवर्सिटी परिसर म तियार होेवत 20 बिस्तर वाले कोविड केयर सेंटर के जायजा लीन।
कलेक्टर ह इहां के प्रभारी, अधिकारी मन ले होवत तियारी मन के जानकारी लीन अउ बूता ल लउहे पूरा करे बर कहीन। । ओइसनेेहेे रतनपुर के लखनी देवी मंदिर परिसर म 30 बिस्तर के कोविड केयर सेंटर बनावत हावयं। इहां 3 दिन म मरीज मन के उपचार शुरू हो जाही। इहां 10 आक्सीजन कन्संट्रेटर मशीन के बेवस्था करेे गे हवय। कलेक्टर ह आक्सीजन सिलेण्डर के उपलब्धता, बिजली बेकअप अउ आने आवश्यक जिनिस मन के जानकारी लीन अउ उहां ट्रेनिंग लेवइया डाॅक्टर अउ आने कर्मचारी मन ले तको चर्चा करके उन्कर मनोबल बढ़ाइन ।
निरीक्षण के बेरा पुलिस अधीक्षक श्री प्रशांत अग्रवाल, एसडीएम श्री तुलाराम भारद्वाज संग अउ आने अधिकारी मन तको रिहिन।