- छूटे 44,394 नवा सदस्य मन के जोड़े गीस नाम
- नवा राशन कार्ड बने अउ नाम जुड़े ले लोगन मन ल मिलिस बड़का राहत
रायपुर, 15 अप्रैल 2020। कोरोना वायरस के संक्रमण ले मनखे मन के सुरक्षा के बर होए लॉकडाउन के बेरा म मुख्यमंत्री श्री भूपेश बघेल के हुकुम म प्रदेश के सबो गरीब परिवार वाले मन ल दू महिना के एकमुश्त निःशुल्क खाद्यान्न वितरण करे जात हे। मुख्यमंत्री ह प्रदेश के जम्मो कलेक्टर मन ल जिला म सब मनखे मन ल खाद्यान्न समय म उपलब्ध कराए ल कहे हें। मुख्यमंत्री के निर्देश के मुताबिक खाद्य विभाग ह लॉकडाउन के बेरा म राज्य के अइसन पात्र हितग्राही जिंकर राशनकार्ड नइ बन पाए रहिस, उंकर नवा राशनकार्ड बनाए जात हे संगेच परिवार के छूटे सदस्य मन के नाम घलव राशनकार्ड म जोड़े के काम तेजी से करे जात हे। खाद्य विभाग ह लॉकडाउन सुरू हाए के बाद से अब तक प्रदेश म कुल 29,683 नवा राशनकार्ड बना डरे हे अउ पहिली ले बने राशनकार्ड मन म छूटे करीबन 44,394 नवा सदस्य मन के नाम जोड़े गए हे। नवा राशन कार्ड बने अउ नाम जुड़े ले मनखे मन ल ए विपदा के घड़ी म अड़बड़ राहत मिले हे।
खाद्य विभाग के अधिकारी मन ह बताइन के राज्य सरकार ह प्रदेश के अन्त्योदय, प्राथमिकता, एकल निराश्रित, निःशक्तजन अउ अन्नपूर्णा श्रेणी के राशनकार्ड धारी मन ल अप्रैल अउ मई 2020 के एकमुश्त चावल निःशुल्क वितरित करत हे। एकरे सैग सामान्य श्रेणी के राशनकार्ड धारी मन ल घलव 10 रूपिया प्रति किलो रियायती दर म चावल बांटे जात हे। राज्य के नागरिक मन के संगें-संग लॉकडाउन के सेती राज्य म फंसे आन प्रदेश के श्रमिक-गरीब मन बर घलव खाद्यान्न के समुचित प्रबंध संवेदनशीलता अउ तत्परता के संग राज्य सरकार कोति ले करे जात हे। लॉकडाउन के बेरा म राज्य म खाद्य विभाग ह जिला प्रशासन के माध्यम से अब तक 8.82 लाख मनखे ल भोजन उपलब्ध कराए हे अउ करीबन 8.75 लाख मनखे ल निःशुल्क राशन देहे गए हे। खाद्य विभाग के सचिव डॉ. कमलप्रीत सिंह ह कलेक्टर मन ले कहे हें के राशनकार्ड बनाए के प्रक्रिया सतत चलइया प्रक्रिया हे। ए खातिर राशनकार्ड बनाए ले छूटे हितग्राही मन के आवेदन मिले म तत्काल नियमानुसार राशनकार्ड बनाए के कार्यवाही ठउका करे जाए।
लॉकडाउन के बेरा म मनखे मन ल राहत देहे बर रायपुर जिला म 3086 नवा राशन कार्ड बनाए गए हे, जेमा ले 2582 बीपीएल और 504 एपीएल कार्ड हे। रायपुर जिला म राशन कार्ड म एपीएल अउ बीपीएल श्रेणी के 4983 सदस्य मन के नाम जोड़े गए हे। दुर्ग जिला म सबले जादा 7418 राशन कार्ड बनाए गए हे जेमा 987 बीपीएल अउ 6431 एपीएल राशन कार्ड हे, दुर्ग जिला म 9963 मनखे के नाम राशन कार्ड में जोड़े गए हे, अइसनहे बलौदाबाजार जिला म 3783 नवा राशन कार्ड बनाए गीस अउ 802 सदस्य मन के नाव जोड़े गीस, राजनांदगांव जिला म 3367 नवा राशन कार्ड बनाए गीस बउ 4309 के नाम जोड़े गीस, सरगुजा जिला म 2447 नवा राशन कार्ड बनाए गीस 1892 लोगन के नाम जोड़े गीस, रायगढ़ जिला म 1158 नवा राशन कार्ड बनाए गीस अउ 2614 नाम जोड़े गीस, कोरबा जिला म 1100 नवा राशन कार्ड बनाए गीस अउ 626 नाम जोड़े गीस, दन्तेवाड़ा जिला म 1633 नवा राशन कार्ड बनाए गीस 695 नाम जोड़े गीस, बस्तर जिला म 841 नवा राशन कार्ड बनाए गीस अउ 1544 नाम जोड़े गीस, बीजापुर जिला म 598 नवा राशन कार्ड बनाए गीस अउ 435 नाम जोड़े गीस।
कांकेर जिला म 195 नवा राशन कार्ड बनाए गीस अउ 649 नवा नाम जोड़े गीस, कोण्डागांव जिला म 150 नवा राशन कार्ड बनाय गीस अऊ 1894 नाम जोड़े गीस, नारायणपुर जिला म 88 नवा राशन कार्ड बनाय गीस अऊ 203 नवा नाम जोड़े गे। एही प्रकार सुकमा जिला म 292 नवा राशन कार्ड बनाय गीस अऊ 595 नाम जोड़े गीस, बिलासपुर जिला म 28 नवा राशन कार्ड बनाय गीस अऊ 1510 नाम जोड़े गीस, जांजगीर-चांपा जिला म 246 नवा राशन कार्ड बनाय गीस अऊ 3056 नाम जोड़े गीस, मुंगेली जिला म 44 नवा राशन कार्ड बनाय गीस अऊ 289 नाम जोड़े गीस, बालोद जिला म 209 नवा राशन कार्ड बनाय गीस अऊ 247 नाम जोड़े गीस, बेमेतरा जिला म 122 नवा राशन कार्ड बनाय गीस अऊ 946 नाम जोड़े गीस, कवर्धा जिला म 152 नवा राशन कार्ड बनाय गीस अऊ 208 सदस्य मन के नाम जोड़े गीस, धमतरी जिला म 414 नवा राशन कार्ड बनाय गीस अऊ 1842 नाम जोड़े गीस, गरियाबंद जिला म 405 नवा राशन कार्ड बनाय गीस अऊ 584 नाम जोड़े गीस, महासमुंद जिला म 491 नवा राशन कार्ड बनाय गीस हे अऊ 1455 नाम जोडे़ गीस, बलरामपुर जिला म 130 नवा राशन कार्ड बनाय गीस अऊ 68 नाम जोड़े गीस, जशपुर जिला म 64 नवा राशन कार्ड बनाय गीस अऊ 1268 नाम जोड़े गीस, कोरिया जिला म 479 नवा राशन कार्ड बनाय गीस अऊ 949 नाम जोड़े गीस, सूरजपुर जिला म 744 नवा राशन कार्ड बनाय गीस अऊ 768 सदस्य मन के नाम जोड़े गीस।
