पहिली के अपेक्षा लइका मन ल मिलिस जादा शिक्षक, मिलत हे गुणवत्तापूर्ण शिक्षा
रायपुर, छत्तीसगढ़ सरकार कोति ले शिक्षा व्यवस्था ल मजबूत करे के दिशा म एक अऊ महत्वपूर्ण कदम उठाए गए हे। मुख्यमंत्री श्री विष्णु देव साय के अगुवइ म प्रदेशभर म युक्तियुक्तकरण प्रक्रिया ल सफलतापूर्वक क्रियान्वित करे जात हे, जेखर से शिक्षक मन के कमी ले जूझत स्कूल मन म नवा शिक्षक मन के नियुक्ति होवत हे।
इही क्रम म रायपुर जिला के शासकीय प्राथमिक शाला गोगांव म 7 नवा शिक्षक मन के पदस्थापना करे गए हे। पहिली के तुलना म अब ए विद्यालय म कुल 17 शिक्षक हो गे हे, जेखर से 421 पढ़ईया लईका मन ल लाभ मिलत हे। अब छात्र-शिक्षक अनुपात बेहतर हो गए हे, जेखर से हरेक विद्यार्थी ल व्यक्तिगत रूप ले मार्गदर्शन अऊ गुणवत्ता सहित शिक्षा मिल पात हे।
युक्तियुक्तकरण के तहत जिला के अतिशेष शिक्षक मन ल काउंसलिंग के माध्यम ले आवश्यकतानुसार कई ठन विद्यालय मन म पदस्थ करे गए हे। एकर सकारात्मक प्रभाव विशेष रूप ले ग्रामीण क्षेत्र मन म देखे ल मिलत हे।
शाला के प्रभारी श्री जीवराखन साहू ह बताइस के युक्तियुक्तकरण ले पहिली इहां 10 शिक्षक रहिन अउ पढ़ईया लईका मन के संख्या 488 रहिस। सबो लइका मन ल समुचित रूप ले ध्यान देहे म कठिनाई के सामना करना परत रहिस। फेर अब युक्तियुक्तकरण के बाद 17 शिक्षक हो गे हे। अब 30 ले 35 लइका मन के एक बैच बनाके पढ़ईया लईका मन ल जादा समय अउ गुणवत्तापूर्ण शिक्षा देहे जात हे। पालक मन ह ए फैसला के स्वागत करे हे अऊ ए पहल उपर प्रसन्नता जताए हे। अब लइका पहिली ले जादा उत्साह के संग स्कूल आवत हें अऊ पढ़ाई म रुचि लेवत हें।
युक्तियुक्तकरण प्रक्रिया के तहत प्राथमिक शाला गोगांव ल मिलिस 7 नवा शिक्षक
