मुख्यमंत्री ह अस्पताल पहुंचके श्रीमती रत्ना शर्मा के स्वास्थ्य के हाल-चाल जानिन

रायपुर, मुख्यमंत्री श्री भूपेश बघेल ह आज मंझनिया रायपुर के रामकृष्ण केयर अस्पताल पहुंचके उहां इलाज बर भर्ती श्रीमती रत्ना शर्मा ले मुलाकात करके ऊंखर स्वास्थ्य के हाल-चाल जानिन। श्रीमती रत्ना शर्मा मुख्यमंत्री के सलाहकार श्री प्रदीप शर्मा के माता यें। मुख्यमंत्री श्री बघेल ह श्रीमती शर्मा ल लउहे स्वस्थ लाभ बर शुभकामना दीन। ये बेरा मुख्यमंत्री के सलाहकार श्री प्रदीप शर्मा, छत्तीसगढ़ राज्य नागरिक आपूर्ति निगम के अध्यक्ष श्री रामगोपाल अग्रवाल अऊ छत्तीसगढ़ राज्य खनिज विकास निगम के अध्यक्ष श्री गिरीश देवांगन घलोक उपस्थित रहिन।