रायपुर, मुख्यमंत्री निवास म आयोजित देवारी तिहार अउ गोवर्धन पूजा उत्सव म जय मां सरस्वती समूह के महिला मन ह छत्तीसगढ़िया वेशभूषा म मनमोहक सुआ नृत्य के प्रस्तुति दीन अऊ मगरलोड धौराभांठा के कलाकार मन बड़ उछाह के संग छत्तीसगढ़िया वाद्य यंत्र अउ पारंपरिक वेशभूषा के संग राउत नाचा के प्रस्तुति दीन, जेकर से देखईया मन के मन मोहा गे। ये बेरा म मुख्यमंत्री ह पारंपरिक वेशभूषा म राउत नर्तक दल के बीच पहुंचके उंखर उत्साह बढ़ाइन। यादव समाज कोति ले राउत नाचा के शानदार प्रस्तुति म मुख्यमंत्री अपन आप मन ल रोक नइ सककिन अऊ राउत नाचा नर्तक दल के संग पारंपरिक वेश-भूषा म दल म सामिल हो गें, उमन गाड़ा बाजा के धुन म नर्तक दल के सदस्य मन के कदम ले कदम मिलाके राउत नाच म उंखर संग दीन। मुख्यमंत्री श्री बघेल ह अपन चिर-परिचित अंदाज म लोक कलाकार मन ल प्रोत्साहित करत दोहा तको पारिन।
ये मौका म वन मंत्री श्री मोहम्मद अकबर, मुख्यमंत्री के सलाहकार श्री प्रदीप शर्मा, छत्तीसगढ़ खनिज विकास निगम के अध्यक्ष श्री गिरीश देवांगन, छत्तीसगढ़ खादी अउर ग्रामोद्योग बोर्ड के अध्यक्ष श्री राजेंद्र तिवारी, छत्तीसगढ़ नागरिक आपूर्ति निगम के अध्यक्ष श्री राम गोपाल अग्रवाल, छत्तीसगढ़ महिला आयोग के अध्यक्ष डॉ किरणमयी नायक, जिला सहकारी बैंक रायपुर अध्यक्ष श्री पंकज शर्मा, इंदिरा कला अउर संगीत विश्वविद्यालय के कुलपति श्रीमती ममता चंद्राकर, इंदिरा गांधी कृषि विश्वविद्यालय के कुलपति डॉ. गिरीश चंदेल, प्रजापिता ईश्वरीय विश्वविद्यालय के प्रमुख कमला दीदी, कृषि उत्पादन आयुक्त डॉ. कमलप्रीत सिंह, महापौर रायपुर श्री एजाज ढेबर संग दुर्ग, राजनांदगांव, धमतरी, बिलासपुर, कबीरधाम संग पूरा प्रदेश ले आए नागरिक, जनप्रतिनिधि, समाज के सदस्य मुख्यमंत्री निवास म उपस्थित रहिन।
जोहारे आए राऊत मन संग नाचिन मुख्यमंत्री अऊ पारिन दोहा
