रावघाट परियोजना ले प्रभावित गांव वाले मन के सुने गीस समस्या

रायपुर, 13 फरवरी 2021। मुख्यमंत्री श्री भूपेश बघेल के मन के मुताबिक रावघाट परियोजना के प्रभावित मन ल राहत पहुंचाए अऊ उंखर समस्या मन के निदान के सिलसिला शुरू हो गए हे। मुख्यमंत्री के निर्देश के परिपालन म काली नारायणपुर जिला अऊ बीएसपी प्रबंधन के अधिकारी मन के संघरा दल खोडगांव पहुंचा। अधिकारी मन के टीम ह इहां नारायणपुर जिला म रावघाट परियोजना अंतर्गत प्रभावित गांव मन म गांव वाले मन के एक-एक करके समस्या सुनिन।
खोडगांव म रावघाट परियोजना ले प्रभावित 10 पंचायत के 22 गांव के गांव वाले मन पहुंचे रहिन। गांव वाले मन ह एसडीएम श्री दिनेश कुमार नाग, सीजीएम बीएसपी श्री समीर स्वरूप, एसडीओ फारेस्ट, कार्यपालन अभियंता पीएमजीएसवाय श्री विनय वर्मा, तहसीलदार श्री सुनील सोनपिपरे, केतन भोयर के के आगू अपन समस्या रखिन। ये मौका म क्षेत्रीय जनप्रतिनिधिगण घलोक मौजूद रहिन। रावघाट परियोजना अंतर्गत प्रभावित गांव के गांव वाले मन ह अपन मांग अधिकारी अऊ बीएसपी प्रबंधन के आगू रखीन, जेमां प्रमुख रूप ले प्रभावित परिवार के बेरोजगार युवक अऊ युवति मन ल योग्यतानुसार नौकरी म प्राथमिकता अऊ आरक्षण के प्रावधान अऊ शिक्षा, चिकित्सा, सड़क, बिजली, पानी जैसी मूलभूत सुविधा मन के बेहतर व्यवस्था, पर्यावरण संरक्षण अऊ सीएसआर मद ले विकास के काम प्राथमिकता ले कराए जाय के मांग सामिल हे। रेल्वे लाईन अऊ विद्युत लाइन ले प्रभावित किसान मन के जमीन के मुआवजा अऊ गोद ग्राम पंचायत म पालकी, निबरा, कोहका, कंगाली, मड़पा, वर्चे, सरगीपाल, करलखा, हरायनार, मरदेल, छिदपरस ल सामिल करे बर गांव वाले मन आवेदन सौंपिन।