रायपुर, 5 अक्टूबर 2020। मुख्यमंत्री श्री भूपेश बघेल ह रिटायर्ड आई.पी.एस. अधिकारी श्री रविन्द्र भेंडिया के आकस्मिक निधन म गहरा दुख प्रकट करे हें। श्री रविन्द्र भेंडिया महिला अऊ बाल विकास मंत्री श्रीमती अनिला भेंडिया के पति हे। श्री रविन्द्र भेंडिया के बीती रात 12 बजे हृदय गति रुकने ले निधन हो गीस।
मुख्यमंत्री श्री बघेल ह स्वर्गीय श्री रविन्द्र भेंडिया के शोकसंतप्त परिवारजनों के प्रति संवेदना प्रकट के हे। उमन ईश्वर ले दिवंगत आत्मा ल शांति प्रदान करे अऊ ऊंखर परिवारजन ल दुःख के ये घड़ी ल सहन करे के शक्ति प्रदान करे के प्रार्थना करे हें। स्वर्गीय श्री रविन्द्र भेड़िया के अंतिम संस्कार ऊंखर गृह ग्राम पीपरछेड़ी, जिला बालोद म आज करे गीस।
नगरीय प्रशासन अऊ श्रम मंत्री डॉ. शिवकुमार डहरिया ह रिटायर्ड आई.पी.एस. अधिकारी श्री रविन्द्र भेंड़िया के आकस्मिक निधन म ऊंखर गृहग्राम पहुंचके उंखर पत्नी अऊ छत्तीसगढ़ सरकार म महिला अऊ बाल विकास मंत्री श्रीमती अनिला भेंड़िया अऊ परिजन मन ले मिलके गहरा दुःख व्यक्त करिन अऊ दिवंगत आत्मा ल श्रद्धांजलि अर्पित करिन। उमन स्वर्गीय श्री रविन्द्र भेंडिया के शोकसंतप्त परिवारजन के प्रति संवेदना प्रकट करत ईश्वर ले दिवंगत आत्मा ल शांति प्रदान करे के कामना करिन। डॉ. डहरिया ह ऊंखर परिवारजन ल दुःख के ये घड़ी ल सहन करे के शक्ति प्रदान करे ईश्वर ले प्रार्थना करिन।