रायपुर, छत्तीसगढ़ शासन के कृषि अउ जैव प्रौद्योगिकी, जल संसाधन मंत्री अऊ रायपुर जिला के प्रभारी मंत्री श्री रविन्द्र चौबे 29 जून के दिन जिला स्तरीय अधिकारी मन के समीक्षा बैठक लेहीं। समीक्षा बैठक काली 29 जून के दिन बिहनिया 11 बजे कलेक्टोरेट परिसर स्थित रेडक्रास भवन के सभाकक्ष म होही। कलेक्टर डॉ. एस. भारतीदासन ह सबो विभागीय अधिकारी मन ल जरूरी जानकारी के संग उपस्थित होए के निर्देश दिए हें।
बैठक म छत्तीसगढ़ सरकार के सुराजी गांव योजना के तहत नरवा, गरवा, घुरवा, बाडी के संरक्षण अऊ संवर्धन के काम मन के प्रगति, बाढ़ आपदा ले निपटे के तैयारी, मौसमी बीमारी मन के रोकथाम, खरीफ बर किसान मन ल खाद बीज अऊ ऋण के वितरण अउ ऋण माफी के प्रगति, धान संग्रहण अउ धान उठाव के स्थिति, नवा शिक्षण सत्र म स्कूली छात्र मन ल छात्रवृत्ति, गणवेश, पुस्तक वितरण संग आन विषय मन के समीक्षा करे जाही।