बेमेतरा 18 मार्च 2021।।प्रदेश के कृषि अउ जैव प्रौद्योगिकी, पशुपालन, मछली पालन, जल संसाधन अउ आयाकट मंत्री श्री रविन्द्र चौबे ह आज चोरभट्ठी म दाऊ श्री वासुदेव चंद्राकर कामधेनु विश्वविद्यालय, दुर्ग के अंतर्गत डेयरी पाॅलिटेक्निक (चोरभठ्ठी) बेमेतरा के शुभारंभ करीन । डेयरी टेक्नोलाॅजी पाॅलीटेक्निक बेमेतरा के पहिली बैच म 11 छात्र/छात्रामन ह प्रवेश लीन ।
केबिनेट मंत्री श्री चौबे ह संबोधित करत कहिन कि येह हमार सौभाग्य हेे कि हमन अपनेेच घर म डेयरी पाॅलिटेक्निक महाविद्यालय के शुभारंभ करेन, जउन दुग्ध प्रसंस्करण के क्षेत्र म प्रदेश के युवामन ल तकनीकी रूप ले सक्षम बनाए बर येे पाॅलिटेक्निक प्रारंभ करेे गेे हवय । अवइया समय म दुग्ध संयत्रमन के परिचालन करे अउ दुग्ध प्रसंस्करण के क्षेत्र म नवा उद्यमी तैयार करे म येे पाठ्यक्रम ह महत्वपूर्ण भूमिका निभाही। जिले म महाविद्यालय खुले ले इहां के स्थानीय विद्यार्थी डेयरी के क्षेत्र म अपन ज्ञान अर्जित करहीं अउ आत्मनिर्भर होके जिलेच मे दुग्ध उत्पादन के क्षमता म वृद्धि करहीं जेकर ले ये क्षेत्र म रोजगार के नवा-नवा अवसर प्राप्त होही। जेकर ले छ.ग. म दुुग्ध प्रोडक्शन बाढ़ही अउ किसान मन के आय म वृद्धि होही। श्री चौबे कहिन कि मैं प्रदेश के मुख्यमंत्री श्री भूपेश बघेल ल धन्यवाद देवत हौैंं जेेमन मोला अतेक महत्वपूर्ण विभाग के जिम्मेदारी सौंपीन। केबिनेट मंत्री ह येहूू कहिन कि राजीवगांधी किसान न्याय योजना के चौथइया किश्त के राशि ये महीना के आख्रिर तक किसान मन के खाता म अन्तरित कर देहे जाही।
कलेक्टर श्री शिव अनंत तायल ह मुख्य अतिथि के रुप म आये कृषिमंत्री श्री चौबे ल धन्यावाद दीन। कामधेनु विश्वविद्यालय अंजोरा के कुलपति डाॅ. दक्षिणकर तको अपन विचार व्यक्त करीन।
v