मुख्यमंत्री ह पंडित रविशंकर शुक्ल के जयंती म ओ मन ल करिन सुरता

रायपुर, मुख्यमंत्री श्री भूपेश बघेल ह अविभाजित मध्यप्रदेश के पहिली मुख्यमंत्री पंडित रविशंकर शुक्ल के 2 अगस्त के जयंती म ओ मन ल नमन करे हें।
मुख्यमंत्री ह पंडित शुक्ल के छत्तीसगढ़ म योगदान ल सुरता करत कहिन कि भारतीय स्वतंत्रता संग्राम के राष्ट्रीय आंदोलन मन म उमन शीर्ष भूमिका निभाईन। उमन छत्तीसगढ़ म देश के आजादी बर जन-जागरूकता लाय के महत्वपूर्ण काम करिन। श्री बघेल ह कहिन कि रविशंकर जी अच्छा वकील, राजनेता होए के संग अच्छा वक्ता अऊ लेखक घलोक रहिन। उमन स्वतंत्रता के बाद रियासत मन के विलय म महत्वपूर्ण योगदान दीन। ओ मन ल आधुनिक मध्यप्रदेश के जनक घलोक कहे जाथे। छत्तीसगढ़ शासन ह उंखर स्मृति म सामाजिक, आर्थिक अऊ शैक्षिक क्षेत्र म अभिनव प्रयत्न मन बर पं. रविशंकर शुक्ल सम्मान स्थापित करे हे। पुरोधा के रुप म देहे गए उंखर सीख हमेशा हमला रद्दा देखात रइही। छत्तीसगढ़ के उन्नति अऊ इहां सामाजिक सद्भाव बनाए रखे बर रविशंकर जी के प्रयास चिरकाल तक सुरता करे जाही।