पीड़ित परिजन मन तीर पहुंचिस प्रशासन परिजन मन ल दीन सांत्वना : मौका म ही 16 लाख रूपिया के आर्थिक सहायता करिस स्वीकृत

जशपुर, 07 जुलाई 2021। छत्तीसगढ़ शासन ह कई प्राकृतिक आपदा ले पीड़ित मनखे मन ल सहायता पहुंचाथे। राज्य शासन के राजस्व अऊ आपदा प्रबंधन विभाग ह आपदा पीड़ित मन ल जिला कलेक्टर के माध्यम ले आर्थिक सहायता स्वीकृत करे जाथे। हाले म जशपुर जिला के कुनकुरी विकासखण्ड के गांव बेलसोंगा म आकाशीय बिजली गिरे ले चार लइका मन के मृत्यु हो गए रहिस। घटना के बाद जिला प्रशासन के अधिकारी बिना देर करे मौका म पहुंचत हें अऊ लइका मन के पीड़ित परिजन मन ले मिलके उमन ल सांत्वना देके मौके म 16 लाख रूपिया के आर्थिक सहायता स्वीकृत करिन।
कलेक्टर जशपुर श्री महादेव कावरे ह आर.बी.सी. 6-4 के तहत विकासखण्ड कुनकुरी के ग्राम बेलसोंगा म आकाशीय बिजली गिरे ले मृत कुमारी सुंदरी, अनुज, आकाश अऊ राजकुमारी के पीड़ित परिजन मन ल चार-चार लाख रूपिया के आर्थिक सहायता स्वीकृत करके सहायता राशि दीन।