रायपुर, इंडियन रेडक्रॉस सोसायटी, छत्तीसगढ़ राज्य शाखा के चेयरमेन श्री सोनमणि बोरा ह छत्तीसगढ़ के सबो कलेक्टर अउ अध्यक्ष, इंडियन रेडक्रॉस सोसायटी, जिला शाखा ल अर्द्धशासकीय पत्र भेजके कहे हें कि रेडक्रॉस समिति कोति ले करे जात काम मन म नवाचार ल सामिल करव। जिला प्रबंध समिति के बैठक म कार्ययोजना तियार करके 10 जनवरी, 2020 तक ओ मन ल अवगत कराए ल कहे गए हे।
श्री बोरा ह कहे हें कि जिला रेडक्रॉस समिति के यथाशीघ्र पुनर्गठन करके प्रबंध समिति के बैठक बलाए जाए। बैठक म साल भर करे गए काम मन के कार्ययोजना तियार करे ल कहे गए हे। उमन कहिन हें कि जिला रेडक्रॉस समिति म सदस्यता अभियान ल बढ़ा के जिला इकाई ल सक्रिय करे के घलोक जरूरत हे। श्री बोरा ह जिला प्रबंध समिति के पुनर्गठन करके राज्य स्तरीय प्रबंध समिति के गठन बर एक सदस्य के नाम भेजे ल कहे हें ताकि राज्य स्तरीय वार्षिक सामान्य सभा आयोजित करे जा सकय।
श्री बोरा ह कलेक्टर मन ले कहे हें कि जिला रेडक्रॉस सोसायटी के अध्यक्ष होए के नाते उंखर भूमिका बहुत महत्वपूर्ण हे। जिला रेडक्रॉस शाखा कोति ले समाज के जरूरतमंद मन के सहायता अउ सामाजिक कार्य मन म प्रभावी भूमिका निभाए ल कहे गए हे। उमन इंडियन रेडक्रॉस सोसायटी के लक्ष्य अउ उद्देश्य मन के पूर्ति बर समाज के उन्नति म योगदान देहे अउ बीमारी मन के रोकथाम म सहायता करे अऊ समाज म मातृत्व अउ बाल सुरक्षा ल बढ़ावा देहे बर ध्यान खींचे ल कहे हें। एखर संगेच विपदा मन ले बचे के बारे म जनता म जनजागरूकता पैदा करे, विपदा पीड़ित मन बर आपातकालीन राहत कार्य मन ल सुचारू रूप ले संचालित करे, रेडक्रॉस म युवा मन के भागीदारी बढ़ाए, जरूरतमंद मन के सहायता बर स्वयं सेवी नियुक्त करे, ओ मन ल प्रशिक्षण देहे, रक्तदान शिविर आयोजित करे, हर एक जिला म ब्लड बैंक के स्थापना करके ओखर सुचारू संचालन करे, रेडक्रॉस सोसायटी कोति ले जन औषधि केन्द्र के संचालन करे अऊ सबो रोग मन बर जन औषधि केन्द्र मन म जरूरी दवई मन के उपलब्धता सुनिश्चित करे ल कहे गए हे ताकि जरूरतमंद मन ल उचित दर अउ समय म दवई उपलब्ध हो सकय। जिला के हर एक विकासखण्ड म रेडक्रॉस के दवा दुकान खोले बर जरूरी पहल करे अऊ विद्यालय मन अउ महाविद्यालय मन म जूनियर रेडक्रॉस अऊ यूथ रेडक्रॉस के गठन करे ल कहे गए हे।
ठंड ले बचाव बर अलाव के व्यवस्था अउ कंबल वितरण करव –
इंडियन रेडक्रॉस सोसायटी, छत्तीसगढ़ राज्य शाखा के चेयरमेन श्री सोनमणि बोरा ह छत्तीसगढ़ के सबो कलेक्टर अउ अध्यक्ष, इंडियन रेडक्रॉस सोसायटी, जिला शाखा ल अर्द्धशासकीय पत्र भेजके कहे हें कि शीतकाल के समय दिसम्बर महिना के आखरी हफ्ता ले जनवरी महिना म प्रदेश के कई ठन जिला मन म अड़बड़ जाड़ परथे।
श्री बोरा ह कहे हें कि रेडक्रॉस सोसायटी के माध्यम ले जरूरत के मुताबिक अलाव के व्यवस्था करव अऊ गरीब मन ल कंबल आदि गरम कपड़ा बांटव। उमन कहे हें कि ठंड ल देखत रैन-बसेरा, अस्थायी शरणस्थल, फुटपाथ, निःसहाय अऊ ओवर ब्रिज के तरी, रेल्वे प्लेटफार्म, धार्मिक अउ पर्यटन स्थल मन म, बस स्टेण्ड अऊ झुग्गी झोपड़ी मन म निवास करइया गरीब मन बर नगरीय निकाय अउ पंचायत विभाग के समन्वय ले रेडक्रॉस सोसायटी के माध्यम ले जरूरी व्यवस्था करव।
