पठन कौशल प्रतियोगिता म सबो लइका मन के बने सहिन पढ़े म जीतही स्कूल
अभियान के राज्य स्तरीय मॉनिटरिंग एप्प अऊ वेब पोर्टल ले दू दिन के प्रशिक्षण कार्यशाला
रायपुर, 7 मार्च 2020। पठन कौशल प्रतियोगिता के आयोजन अप्रेल महिना के आखरी हफ्ता म राज्य के सबो संकुल, विकासखण्ड, जिला अऊ राज्य स्तर म करे जाही। पढ़े के समान के जानकारी पोर्टल के सहारे दिए जाही। ये मा मुस्कान पुस्तकालय कोति ले देहे गए पुस्तक मन के अलावा शिक्षक मन कोति ले बनाए गए गतिविधि, टीचर लर्निंग मटेरियल अऊ पठन सामान के उपयोग करे जाही। अप्रेल महिना म सबो लइका मन के शाला म उपस्थिति बर समुदाय ले सहभागिता लेत शिक्षक ये अभियान ल सफल बनाही। स्कूल शिक्षा विभाग के प्रमुख सचिव डॉ. आलोक शुक्ला ह ये संबंध म विकासखण्ड के नोडल अधिकारी मन के दू दिन के राज्य स्तरीय प्रशिक्षण कार्यशाला के शुभारंभ करत अभियान के संबंध म तकनीकी पहलु मन के जानकारी दीन अऊ कहिन कि ये अभियान ल उत्सव के रूप म मनाए जाए।