रायपुर, 04 जून 2020। देशभर के संगे-संग छत्तीसगढ़ म घलो कोरोना संक्रमित मरीज मन के संख्या तेजी ले बढ़त हे. 15 दिन के अंदर कोरोना मरीज मन म अब्बड़ उछाल देखे बर मिले हे. पिछला एक दिन म रिकॉर्ड 86 नवा संक्रमित मरीज मिले हे. एखर संग ही प्रदेश म अब तक कुल 678 केस आगु आ चुके हे. जबकि 489 मरीज एक्टिव हे अउ 189 मरीज मन ठीक होके डिस्चार्ज घलो हो चुके हे.
देर रात 52 नवा कोरोना मरीज मन के पहिचान करे गये हे. जोन म ले जांजगीर 20, महासमुंद 12, जशपुर 6, बलौदाबाजार 4, बालोद 3, रायगढ़ 1, दुर्ग-राजनांदगांव-रायपुर ले 2-2 मरीज मिले के पुष्टि होय हे. बुधवार के शाम तक 34 कोरोना पॉजिटिव पाये गये रहिस. जोन म ले बलौदाबाजार ले 22, कोरिया ले 8, एसएलआर लैब ले 2, बलरामपुर, कवर्धा, मुंगेली अउ बिलासपुर ले 1-1 मरीज मिले रहिस. सबो ल मिलाके एक दिन म 86 नवा पॉजिटिव केस मिले हे.
वही 3 जून के 59 मरीज डिस्चार्ज घलो करे गये हे. मुंगेली 32, बेमेतरा 2, बालोद 1, बिलासपुर 5, कांकेर 6, जांजगीर 2, अंबिकापुर 3, कोरिया 2 अउ रायगढ़ ले 6 मरीज डिस्चार्ज करे गये हे.
रात्रि 52 नए कोरोना मरीज़ों की पहचान की गई । रात्रि 19 कोरोना मरीज़ स्वस्थ होने के उपरांत डिस्चार्ज किए गए। कुल एक्टिव मरीज़ 489 हैं। pic.twitter.com/cAgi8IRsJ0
— Health Department CG (@HealthCgGov) June 4, 2020