रायपुर, 22 फरवरी 2020। खरीफ विपणन साल 2019-20 म प्रदेश के जिला मन म रिकार्ड धान खरीदी होए हे। राज्य के जांजगीर-चांपा, नारायणपुर अऊ बलौदाबाजार-भाटापारा जिला म पउर साल ले जादा धान खरीदी करे गए हे।
जांजगीर-चांपा जिला म खरीफ साल 2018-19 म 75 लाख 73 हजार 526 मैट्रिक टन धान के खरीदी करे गए रहिस। जबकि 2019-20 म 78 लाख 66 हजार 792 मैट्रिक टन धान खरीदे गए रहिस। ये मुताबिक पउर साल के तुलना म ये साल 2 लाख 93 हजार 266 मीट्रिक टन जादा धान के खरीदी करे गए हे।
नारायणपुर जिला म साल 2019-20 म 3 हजार 684 किसान मन ले 8 धान उपार्जन केन्द्रों म एक लाख 48 हजार 740 क्विंटल धान के खरीदी के गीस हे। गत साल 2018-19 म 97 हजार 142 क्विंटल धान के खरीदी के गीस । गतवर्ष के तुलना म ये साल 52 हजार 858 क्विंटल धान के जादा खरीदी जिला म के गीस हे।
बलौदाबाजार जिला म ये साल 6 लाख 50 हजार मैट्रिक टन धान के खरीदी के गीस हे। गत साल के 6 लाख 36 हजार मैट्रिक टन के तुलना म ये साल 14 हजार मैट्रिक टन जादा धान के खरीदी के गीस हे। पिछले साल जिहां 1 लाख 29 हजार किसान मन ह धान बेचा रहिन, वहीं ये साल जिला म 1 लाख 50 हजार किसान मन ह धान विक्रय करिस हे। ये प्रकार ये साल पिछले साल के तुलना म करीबन 21 हजार जादा किसान मन ह राज्य सरकार के धान खरीदी योजना के लाभ उठाया हे। किसान मन ल धान खरीदी के 1180 करोड़ रूपिया भुगतान करे गीस हे ।
