आंगनबाड़ी सहायिका के पद बर निकलिस भर्ती, आवेदन के अंतिम तारीख 21 जुलाई

रायगढ़, 6 जुलाई 2020। एकीकृत बाल विकास परियोजना रायगढ़ ग्रामीण अंतर्गत पाली, कुसमुरा, बरपाली, सपनई अउ सोनुमूड़ा म आंगनबाड़ी सहायिका के एक-एक पद रिक्त हे। जेखर बर 21 जुलाई 2020 संझा 5 बजे तक आवेदन आमंत्रित करे गे हे। ज्ञात हे कि आंगनबाड़ी सहायिका पद बर आवेदिका के उम्र 18 ले 44 वर्ष के बीच म होना चाही। आवेदिका उही ग्राम के स्थायी निवासी हो, जोन ग्राम म आंगनबाड़ी केन्द्र स्थित हे या जोन ग्राम के आंगनबाड़ी केन्द्र के आवेदन पत्र आमंत्रित करे गे हे। इच्छुक आवेदिका नियत तिथि अउ समय म एकीकृत बाल विकास परियोजना रायगढ़ (ग्रामीण) म सीधा कार्यालयीन अवधि म आवेदन जमा कर सकत हे। ये संबंध म अन्य विस्तृत जानकारी बर कार्यालय म संपर्क कर सकत हे।