प्रदेश के ये जिला म मिनी आंगनबाड़ी कार्यकर्ता अउ आंगनबाड़ी सहायिका के रिक्त पद मन बर निकलिस भर्ती

धमतरी, 16 जुलाई 2020। एकीकृत बाल विकास परियोजना धमतरी ग्रामीण के तहत मिनी आंगनबाड़ी कार्यकर्ता अउ आंगनबाड़ी सहायिका के रिक्त पद मन बर भर्ती निकले हे। एखर बर आगामी 31 जुलाई तक आवेदन मंगाये गे हे। परियोजना अधिकारी, एकीकृत बाल विकास परियोजना धमतरी ले मिले जानकारी के अनुसार ग्राम पंचायत अरौद के ग्राम पहारियाकोना स्थित मिनी आंगनबाड़ी केन्द्र म कार्यकर्ता अउ ग्राम रूद्री के आंगनबाड़ी केन्द्र क्रमांक 02 म सहायिका के रिक्त पद मन म भर्ती बर आवेदन मंगाये गे हे। सबो प्रमाण पत्र मन के संग आवेदन पत्र, कम्पोजिट बिल्डिंग के तिर स्थित एकीकृत बाल विकास परियोजना कार्यालय म जमा करे जा सकत हे। बताये गे हे कि आवेदन पत्र आमंत्रण के सूचना संबंधित ग्राम पंचायत म दे जा चुके हे। ये संबंध म जादा जानकारी बर संबंधित ग्राम पंचायत अथवा परियोजना कार्यालय म सम्पर्क करे जा सकत हे।