रीपा म ग्रामीण महिला मन ल मिलत हे रोजगार

ग्रामीण परिदृश्य म होवत हे सकारात्मक बदलाव
रायपुर, 08 जुलाई 2023
छत्तीसगढ़ सरकार के रूरल इंडस्ट्रियल पार्क (रीपा) योजना ले गांव म ग्रामीण मन ल रोजगार अउ स्व-रोजगार के अवसर मिले लगे हे। महिला मन आत्मनिर्भरता के रद्दा म अग्रसर होवत हे। गांव मन ल उत्पादन के केन्द्र अउ ग्रामीण मन ल आत्मनिर्भर बनाए के उद्देश्य ले सुरू करे गए ए योजना अब ग्रामीण परिदृश्य म एक सकारात्मक बदलाव लाए लगे हे। ग्रामीणजन रीपा के माध्यम ले अपन आर्थिक अउ सामाजिक स्थिति म बदलाव ब पूरा मनोयोग ले जुट गए हे।   
गरियाबंद ज़िला के फ़िंगेश्वर ब्लॉक म ग्राम पंचायत श्यामनगर स्थित रीपा म सिलाई यूनिट के स्थापना करे गए हे। यूनिट के स्थापना ले लगभग 50 झन ग्रामीण मन ल रोज़गार मिले हे, संग म ईहां कार्यरत् महिला मन ल महिला अउ बाल विकास विभाग ह आंगनबाड़ी के लईका मन ल 14 हजार यूनिफार्म सिलाई के आर्डर दिए गए हे। रीपा म समूह के सदस्य मन ह हथकरघा, अगरबत्ती निर्माण, धोबी के घलो बुता करे जाथ हे।
    उल्लेखनीय हे कि ग्रामीण उद्यमिता ल बढ़ावा देहे, लघु अउ कुटीर उद्योग स्थापित करे के उद्देश्य ले राज्य शासन कती ले ग्रामीण औद्योगिक पार्क (रीपा) योजना प्रारंभ करे गय हे। राज्य सरकार कती ले छोटे-छोटे उद्योग धंधा ब रीपा म पानी, बिजली, जमीन जइसे जम्मों जरूरी बुनियादी सुविधा उपलब्ध कराए गए हे। रीपा के माध्यम ले गांव के लोग मन ल जरूरी जिनिस आस-पास म उपलब्ध होवत हे, जेकर सेती अब उमन ल दूरिहा शहर जाए ब नई परय। उत्पाद के बढ़िया गुणवत्ता के सेती आसपास के शहर-गांव ले सप्लाई के आर्डर मिले के सुरू हो गए हे। व्यवसायिक गतिविधि ल रीपा के संग जोड़बके संरक्षित करे के संग ग्रामीण मन ल आत्मनिर्भर बनाए ले कार्य करे जाथ हे। एकर से स्थानीय स्तर म विभिन्न गतिविधि संचालित होए ले लोगन मन ल बड़ संख्या म रोजगार घलो मिलत हे। उहें पारंपरिक गतिविधि के संचालन ले ग्रामीण मन के आयसंवर्धन म घलो महती भूमिका निभावत हे।
Success story
Neha Rathore