छत्तीसगढ़ बनही जैविक राज्य : श्री भूपेश बघेल

रायपुर, मुख्यमंत्री भूपेश बघेल के अध्यक्षता म आज ऊंखर निवास कार्यालय म प्रदेश म रि-जनरेटिव डेव्हलपमेंट regenerative development ल गति प्रदान करे बर गठित छत्तीसगढ़ ग्रीन काउंसिल के पहिली बैठक आयोजित करे गीस। ग्रीन काउंसिल के माध्यम ले राज्य म हरित अऊ टिकाऊ अर्थव्यवस्था ल अऊ जादा मजबूत करे के प्रयास करे जाही। रि-जनरेटिव डेव्हलपमेंट (पुनरूत्पादन विकास), सस्टेनेबल डेव्हलपमेंट ले जादा प्रगतिशील अवधारणा हे जेमां उपलब्‍ध संसाधन मन के समुचित उपयोग के संगें-संग संसाधन मन के गुणवत्ता ल बढ़ाए के संग न्यू एज ग्रीन ईकोनॉमी new age green economy के तहत लाईवलीहुड ले स्थानीय मनखे मन के आय म वृद्धि बर काम करे जात हे। मुख्यमंत्री ह बैठक म राष्ट्रीय अऊ अंतर्राष्ट्रीय मंच म छत्तीसगढ़ के हरित राज्य के रूप म ब्रांडिंग, जैविक उत्पाद के मार्केट लिंकेज, प्रशिक्षण के माध्यम ले स्व-सहायता समूह मन के क्षमता निर्माण, जिला मन के विशेषता के अनुसार विकास अऊ स्थानीय निवासी मन ल जोड़के आर्थिक मूलक गतिविधि मन ल बढ़ावा देहे के जरूरत उपर बल दीन। उमन कहिन कि छत्तीसगढ़ सम्भवतः देश के पहिली राज्य हे, जिहां ग्रीन काउंसिल के गठन करे गए हे।
बैठक म वन मंत्री श्री मोहम्मद अकबर, कृषि मंत्री श्री रविन्द्र चौबे, नगरीय प्रशासन अऊ विकास मंत्री डॉ. शिव कुमार डहरिया, मुख्यमंत्री के सलाहकार श्री प्रदीप शर्मा, मुख्य सचिव श्री अमिताभ जैन, अपर मुख्य सचिव श्री सुब्रत साहू, प्रमुख सचिव वन अऊ उद्योग श्री मनोज पिंगुआ, प्रधान मुख्य वन संरक्षक श्री राकेश चतुर्वेदी, कृषि उत्पादन आयुक्त डॉ. कमलप्रीत सिंह, प्रबंध संचालक राज्य लघुवनोपज संघ श्री संजय शुक्ला, सचिव वन श्री प्रेमकुमार, स्वनीति इनीशिएटिव टीम के सदस्य अऊ संबंधित अधिकारी उपस्थित रहिन।