चिंतलनार के पुनर्वासित बेटी मन ह रायपुर पहुंचकर बड़े मंच म देखाइन प्रतिभा

विष्णु के सुशासन म ग्रामोद्योग विभाग के पहल म छत्तीसगढ़ म पहली पइत सुकमा के चिंतलनार के पुनर्वासित बेटी मन ह रायपुर पहुंचकर बड़े मंच म देखाइन प्रतिभा, मुख्यमंत्री अऊ विधानसभा अध्यक्ष होइन गदगद

रायपुर, रायपुर के पंडित दीनदयाल उपाध्याय आडोटोरियम म काली राष्ट्रीय हाथकरधा दिवस आयोजित होए रहिस जिहां ए कार्यक्रम के अंतर्गत आयोजित फैशन शो म एक सुग्‍घर दृश्य देखे ल मिलीस, जब सुकमा के चिंतलनार के पुनर्वासित बेटी मन ह मिस इंडिया ईस्ट सुश्री अनुष्का सोन के संग छत्तीसगढ़ के पारंपरिक हथकरघा ओढ़ना म रैंप वॉक करके बदलाव, आत्मसम्मान अऊ नवा विश्वास के मिसाल पेश करिन। जेमां आत्म समर्पित बेटी श्रीमती पुनेम देवे, श्रीमती माड़वी देवे, श्रीमती माड़वी माल्ले, श्रीमती मिडियम गांगी, कुमारी माड़वी नान्दनी, कुमारी डोंडी रामे, कुमारी माड़काम भीमे, कुमारी पोड़ियाम राजे, कुमारी पुनेम ज्योति, कुमारी हिड़मे मारकाम संघरिन।
ये केवल एक फैशन शो नइ रहिस, भलुक हिंसा ले विकास, भय ले विश्वास अऊ भटके जीवन ले सम्मानजनक भविष्य कोति बढ़त नवा छत्तीसगढ़ के सशक्त अभिव्यक्ति ये। ये छत्तीसगढ़ म पहिली पइत रहिस जब ग्रामोद्योग विभाग के पहल म सुकमा के चिंतलनार के पुनर्वासित बेटी मन ह अपन प्रतिभा ल राजधानी रायपुर के एक बड़े मंच म देखाइन। ग्रामोद्योग विभाग के ए पहल के तारीफ करत मुख्यमंत्री श्री विष्णु देव साय अऊ विधानसभा अध्यक्ष श्री डॉ रमन सिंह ह प्रसन्नता व्यक्त करिन अऊ मंच म आके उन पुनर्वासित बेटी मन ले मुलाकात करके उंखर हौंसला बढ़ाइन।