हमर सरकार बेहतर स्वास्थ्य सेवा देहे बर बाना उंचाए हे – मुख्यमंत्री श्री विष्णु देव साय

मुख्यमंत्री श्री साय ह करिन “रक्त-मित्र” पुस्तिका के विमोचन, रेडक्रॉस के आजीवन सदस्य मन ल करे गीस सम्मानित
जशपुर, मुख्यमंत्री श्री विष्णु देव साय ह कहे हें के रक्तदान एक पुन के काम ये, जेन न केवल कोनो जरूरतमंद ल जीवनदान देथे, भलुक मानवता के प्रति हमर सेवा भावना के श्रेष्ठतम उदाहरण घलोक हे। मुख्यमंत्री श्री साय आज जशपुर जिला के ग्राम बगिया म भारतीय रेडक्रॉस सोसायटी से आयोजित कार्यक्रम ल संबोधित करत रहिन।
मुख्यमंत्री श्री साय ह कहिन के “रक्त-मित्र” डायरेक्ट्री एक ऐतिहासिक अऊ सराहनीय पहल हे, जेखर माध्यम ले कोनो मनखे ल समय म रक्तदाता मन ले सीधा संपर्क स्थापित कर सकत हें। ये पहल जीवनरक्षक सहायता ल सहज, सुलभ अऊ समयबद्ध बनाए के दिशा म एक महत्वपूर्ण कदम हे।
मुख्यमंत्री श्री साय ह कहिन के मोला ये देखके बहुत प्रसन्नता होवत हे के जशपुर जिला म हर वर्ग के नागरिक स्वैच्छिक रक्तदान अऊ स्वास्थ्य जागरूकता कार्यक्रम मन म सक्रिय भागीदारी करत हे अऊ समाज सेवा म अपन बहुमूल्य योगदान देवत हें। आज रक्तदाता मन ल प्रमाण पत्र देत मैं अपन आप ल गौरवान्वित महसूस करत हंव, काबर के जीवनदान देवइया मनखे सही म ईश्वर के समकक्ष होथे।
ए बेरा म मुख्यमंत्री श्री विष्णु देव साय ह कैम्प कार्यालय बगिया म आयोजित कार्यक्रम म भारतीय रेडक्रॉस सोसायटी जशपुर के आजीवन सदस्य मन ल प्रमाण पत्र बांटिन अऊ “रक्त-मित्र” पुस्तिका के विमोचन करिन। ए बेरा म उमन श्री नीरज शर्मा, श्री अजय कुमार कुशवाहा अऊ श्री शिव नारायण सोनी ल प्रमाण पत्र दे के ऊंखर योगदान के सराहना करिन।
ए गरिमामय कार्यक्रम म सरगुजा विकास प्राधिकरण के उपाध्यक्ष अऊ पत्थलगाँव विधायक श्रीमती गोमती साय, जशपुर विधायक श्रीमती रायमुनी भगत, जिला पंचायत अध्यक्ष श्री सालिक साय, जिला पंचायत उपाध्यक्ष श्री शौर्य प्रताप सिंह जूदेव, नगर पालिका अध्यक्ष श्री अरविंद भगत, उपाध्यक्ष श्री यश प्रताप सिंह जूदेव, कलेक्टर श्री रोहित व्यास, वरिष्ठ पुलिस अधीक्षक श्री शशि मोहन सिंह, डिप्टी कलेक्टर श्री हरिओम द्विवेदी, डिप्टी कलेक्टर श्री प्रशांत कुशवाहा, रेडक्रॉस सोसायटी के श्री रूपेश प्राणी ग्राही, बहुत अकन जनप्रतिनिधि अऊ बड़ संख्या म आम नागरिक उपस्थित रहिन।