‘राजीव गांधी किसान न्याय योजना‘
बलौदाबाजार, 30 मई 2020। जऊन विपत्ति के समय म मदद करे हे, ओही जीवन के सच्चा साथी होथे। आज ये कहावत राज्य के मुख्यमंत्री श्री भूपेश बघेल बर चरितार्थ साबित होवत हे। मुख्यमंत्री श्री भूपेश बघेल के पहल म किसान मन बर राज्य के महत्वाकांक्षी योजना ‘राजीव गांधी किसान न्याय योजना‘ शुरू करे गए हे। वो निश्चित ही आज अपन उद्देश्य कोति बढ़त हे। ये विषम हालत म धान के अंतरिम राशि के मिले ले किसान मन ल बड़का राहत मिले हे।
राजीव गांधी किसान न्याय योजना के तहत बलौदाबाजार जिला के अंतर्गत ग्राम गौतरा के किसान श्री दिलेश्वर वर्मा ल पहली किश्त के राशि 16 हजार 6 सौ 86 रूपिया मिले म वो ह मुख्यमंत्री श्री भूपेश बघेल के प्रति आभार जताए हे। श्री वर्मा ह बताइस के साल 2019-20 म धान उपार्जन केन्द्र म 90 क्विंटल धान बेचे रहिस अऊ ‘राजीव गांधी किसान न्याय योजना‘ के तहत् करीबन 63 हजार रूपिया के सहायता राशि चार किश्त म मिलही।
वो ह बताइस के पहिली किश्त के अंतरिम राशि बैंक खाता म आ जाय ले ओ ल अवइया खरीफ सीजन म खेती-किसानी के तैयारी करे म ये ह बड़ मददगार साबित होही अऊ खाद-बीज आदि के व्यवस्था करे म अब आसानी होही अऊ ये राशि ले ट्रैक्टर मालिक अऊ कृषि केन्द्र के बकाया राशि ल घलव चुका हूं। ये अवइया फसल के समय अपन खेत मन के मेड़ मन म राहेर लगा के अकतहा आय अर्जित करिहंव। श्री वर्मा ह प्रसन्नता व्यक्त करत कहिस के राज्य शासन ह किसान मन के समस्या मन ल समझिस अऊ लॉकडाउन के ये संकट के घड़ी म ‘राजीव गांधी किसान न्याय योजना‘ ह एक सच्चा संगी के रूप म महत्वपूर्ण भूमिका निभाये हे।
