कंजेक्टिवाइटिस ले बचे के उपाय अउ सावधानी के करे जाही व्यापक प्रचार-प्रसार : मुख्यमंत्री श्री भूपेश बघेल

मुख्यमंत्री ह उच्चस्तरीय बैठक म कंजेक्टिवाइटिस के रोकथाम के उपाय के गहन समीक्षा करिस
प्राथमिक स्वास्थ्य केंद्र के स्तर तक जांच अउ उपचार के सुविधा उपलब्ध मरीज ल दिए जाथ हे निःशुल्क दवाई
रायपुर, 28 जुलाई 2023
मुख्यमंत्री श्री भूपेश बघेल ह आज ईहां अपन निवास कार्यालय म एक उच्चस्तरीय बैठक म कंजेक्टिवाइटिस के रोकथाम के उपाय के गहन समीक्षा करिस। ओ ह कहिस कि कंजेक्टिवाइटिस ले बचे के उपाय अउ सावधानी के व्यापक प्रचार-प्रसार करे जाही, ताकि द बीमारी ल फइले ले रोके जा सकय। ओ ह विशेषज्ञ मन  के सलाह के उल्लेख करत हुए कहिस कि लोगन मन ल ए बताय जाए ले हाथ ल सफ्फा करे बिन आंखी ल झन छुवए, जेकर से संक्रमण झन हो। मुख्यमंत्री ह कहिस कि अस्पताल म कंजेक्टिवाइटिस के मरीज मन के प्राथमिकता के संग इलाज करे जाए। ताकि उमन ल अस्पताल म जादा बेर झन रूके ल परय। स्कूल म घलो कोनो लईका ल कंजेक्टिवाइटिस होवत हे त संक्रमण ले बचे ब ओला घर भेज दिए जाए। मुख्यमंत्री ह अस्पताल म कंजेक्टिवाइटिस के मरीज के जांच अउ इलाज संग दवाई के उपलब्धता के समीक्षा घलो करिस।
मुख्यमंत्री ह कहिस कि कंजेक्टिवाइटिस के रोकथाम के उपाय के सोशल मीडिया, प्रिंट अउ इलेक्ट्रानिक मीडिया के माध्यम ले व्यापक प्रचार-प्रसार करे जाए।
बैठक म अधिकारी मन ह बताइस कि प्राथमिक स्वास्थ्य केंद्र स्तर तक जांच अउ उपचार के सुविधा उपलब्ध हे। पर्याप्त मात्रा म दवाई उपलब्ध हे अउ मरीज मन ल निःशुल्क दवाई घलो दिए जाथ हे।
    बैठक म उप मुख्यमंत्री अउ स्वास्थ्य मंत्री श्री टी.एस. सिंहदेव, मुख्य सचिव श्री अमिताभ जैन, अपर मुख्य सचिव स्वास्थ्य श्रीमती रेणु जी. पिल्ले, प्रमुख सचिव स्कूल शिक्षा डॉ. आलोक शुक्ला, स्वास्थ्य विभाग के सचिव श्री सिध्दार्थ कोमल सिंह परदेशी, स्कूल शिक्षा विभाग के सचिव डॉ. एस. भारतीदासन, संचालक लोक शिक्षण श्री सुनील जैन, स्वास्थ्य मिशन के एमडी श्री विलास भोसकर संदीपन, संचालक महामारी नियंत्रण डॉ. सुभाष मिश्रा समेत संबंधित अधिकारी उपस्थित रहिस हे।
Neha Rathore