गणतंत्र दिवस मुख्य समारोह आयोजन बर अधिकारी मन ल देहे गीस जिम्मेदारी

दुर्ग, 09 जनवरी 2024/ हर साल के जइसे गणतंत्र दिवस 26 जनवरी के आयोजन जिला म गरिमामय अउ हर्षाेल्लास के संग जिला मुख्यालय स्थित रविशंकर स्टेडियम दुर्ग म आयोजित करे जाही। कार्यक्रम के आयोजन बिहनिया 9ः00 बजे ले करे जाही। सबो शासकीय कार्यालय मन म भिनसरहा 8ः00 बजे ध्वजारोहण करे जाही। गणतंत्र दिवस के आयोजन बर कलेक्टर सुश्री ऋचा प्रकाश चौधरी ह आज अधिकारी मन के बैठक म विभागवार जिम्मेदारी सौंपिन। उमन परेड के रिहर्सल चालू करे ल कहे हें। जिला आरक्षक बल, विशेष बल, केन्द्रीय औद्योगिक सुरक्षा बल, होमगार्ड कोति ले परेड म सामिल होही। अइसनहे सांस्कृतिक कार्यक्रम बर समिति बनाए अऊ जिला शिक्षा अधिकारी ल स्कूली लइका मन के सांस्कृतिक कार्यक्रम तैयारी चालू करे ल कहिन। कार्यक्रम स्थल म बेरिकेटिंग अउ बैठक व्यवस्था बर लोक निर्माण विभाग ल, साफ सफाई, पेयजल, शौचालय संग शामियाना, कुर्सि, लाउडस्पीकर आदि के व्यवस्था बर नगर निगम दुर्ग/रिसाली ल, विशिष्ट अतिथि मन बर जरूरी व्यवस्था बर लोक निर्माण विभाग ल, कार्यक्रम स्थल म चबूतरा निर्माण, झण्डा आदि के व्यवस्था बर लोक निर्माण अउ रक्षित निरीक्षक ल जिम्मेदारी देहे गए हे।
मंच सजावट बर उद्यानिकी विभाग ल, विद्युत कनेक्शन, जनरेटर आदि के व्यवस्था बर नगर निगम अउर विद्युत अउ यांत्रिकी विभाग ल, सम्मानीय अतिथि मन के बैठक व्यवस्था बर प्रभारी अधिकारी प्रोटोकॉल, अनुविभागीय अधिकारी राजस्व ल ध्वजारोहण के बाद रंग बिरंगी गुब्बारा आसमान म छोेड़े बर उद्योग विभाग ल दायित्व देहे गे हे। मुख्य अतिथि के परेड निरीक्षण बर वाहन व्यवस्था बर पुलिस विभाग ल, मुख्यमंत्री के संदेश वाचन बर पुस्तिका के व्यवस्था बर जनसंपर्क विभाग ल, कार्यक्रम स्थल म उद्घोषक बर शिक्षा, पर्यावरण अउ अदिवासी विकास विभाग ल जिम्मेदारी देहे गए हे। प्रमुख चौक-चौराहा म देशभक्ति गीत-संगीत के प्रसारण बर नगर निगम दुर्ग-भिलाई ल, कार्यक्रम के विडियो अउ फोटोग्राफी बर जनसंपर्क विभाग अउ खनिज विभाग ल जिम्मेदारी देहे गए हे। रविशंकर स्टेडियम म मुख्य अतिथि कोति ले ध्वजारोहण के व्यवस्था के जिम्मेदारी पुलिस अधीक्षक दुर्ग अऊ लोक निर्माण विभाग ल देहे गए हे। आमंत्रण पत्र के मुद्रण अउर प्रोटोकॉल अनुसार वितरण बर सी.ई.ओ. जिला पंचायत, वरिष्ठ लिपिक शाखा, प्रोटोकॉल शाखा ल जिम्मेदारी देहे गए हे।