रेरा म पंजीयन के बिना भू-खण्ड क्रय-विक्रय करइया बिल्डर उपर एक लाख रूपिया के जुरमाना

रायपुर, 02 मार्च 2021। छत्तीसगढ़ भू-सम्पदा विनियामक प्राधिकरण (रेरा) ह धमतरी जिला के कुरूद के एक रियल एस्टेट प्रोजेक्ट ल रेरा म बिना पंजीयन के प्रोजेक्ट के विज्ञापन प्रचार-प्रसार अऊ भू-खण्ड क्रय-विक्रय करे के सेती एक लाख रूपिया के शास्ति अधिरोपित करे हे। संगेच जब तक वो कम्‍पनी ह छत्तीसगढ़ रेरा म पंजीयन नइ कराही तब तक ग्राम चर्रा, पटवारी हल्का नम्बर 38 स्थित जमीन खसरा नम्बर -385, 361, 405, 355, 356/1, 357/1, 357/2, 358, 359/1, 359/2, 360, 376, 377, 333/2, 352/2, 373/2, 374/2, 375/2, 378/2 के विक्रय उपर प्रतिबंध लगा देहे हे। ये संबंध म कलेक्टर धमतरी अउर जिला पंजीयक ल चिट्ठी जारी करके निर्देशित करे गए हे।