खेलो इंडिया एकेडमी रायपुर म सुकमा के 8 महिला फुटबॉल खिलाड़ी चुने गीस प्रतिभा मन ल मिलीस राज्य स्तरीय मंच

रायपुर, खेल अउ युवा कल्याण मंत्री श्री टंक राम वर्मा ह संचालक खेल अउ युवा कल्याण विभाग, छत्तीसगढ़ कोति ले संचालित आवासीय खेल अकादमी रायपुर म खेलो इंडिया एकेडमी सुकमा के 8 महिला फुटबॉल खिलाड़ी मन के चयन होए म बधाई देहे हें। ये चयन जिला के खेल प्रतिभा मन बर गौरव के विसय हे अऊ खेल क्षेत्र म ऊंखर उज्ज्वल भविष्य के संभावना ल मजबूती प्रदान करे हे।
चुने गे खिलाड़ी मन म किच्चे ललिता (पोलमपल्ली), माड़वी पूजा (चिंतागुफा), संध्या नाग (कोकावाड़ा), शारदा प्रधानी (चिपुरपाल), लक्ष्मी सोढ़ी (करिगुण्डम, चिंतागुफा), सोढ़ी कोईन्दे (चिंतागुफा), माही कुंजाम (कोर्रा) अऊ किच्चे लक्ष्मी (पोलमपल्ली) के नाम सामिल हे। ये सबो खिलाड़ी सुकमा जिला के दूरस्थ क्षेत्र मन ले आकर अपन मेहनत अऊ प्रतिभा के बल म ए मुकाम तक पहुँचे हें।
खेल अधिकारी श्री वीरूपाक्ष पौराणिक ह बताइस के रायपुर स्थित ए आवासीय खेल अकादमी म खिलाड़ी मन ल न केवल गहन खेल प्रशिक्षण दे जाही, बल्कि ओ मन ल गुणवत्तापूर्ण शिक्षा, पौष्टिक आहार, खेल परिधान, जरूरी सामान अऊ राष्ट्रीय-अंतरराष्ट्रीय प्रतियोगिता मन म भागीदारी के घलोक अवसर मिलही। ये सुविधा पूर्णतः आवासीय होही, जेखर से खिलाड़ी एक अनुशासित अऊ समर्पित वातावरण म शिक्षा अ खेल दुनों म आगू बढ़ सकहीं। खिलाड़ी मन के चयन बर ट्रायल्स अपरेल 2025 म राजधानी रायपुर म आयोजित करे गए रहिस। ये उपलब्धि सुकमा जिला बर न केवल गरब के बात हे, बल्कि जिला के आन खिलाड़ी मन ल घलोक प्रेरित करे वाले बात हे।