बलौदाबाजार, 13 जुलाई 2021। राजस्व प्रकरण मन के निराकरण अऊ अभिलेख अद्यतीकरण के काम म जिला म पाछू एक महीना म काफी प्रगति आए हे। कलेक्टर श्री सुनील कुमार जैन के मार्गदर्शन म पाछू 15 जून ले एखर बर जिला म एक अभियान चलाए गए हे। ये दौरान जिला म अकेल्ला नामांतरण के 824 प्रकरण निराकृत करे गये हे, जेन अपन आप म एक रिकार्ड हे। भू-अभिलेख मन के अपडेशन होए ले किसान अऊ पक्षकार मन ल अड़बड़ सुविधा मिलत हे। ओ मन ल अब रिकार्ड सुधार करवाए बर तहसील या पटवारी तीर घेरी-बेरी जाए के जरूरत नइ परत हे। ओ मन ल बैंक लोन, किसान पंजीयन संग जम्मो सरकारी काम बर आसानी ले त्रुटिहीन अभिलेख उपलब्ध होवत हे। एखर से किसान मन ल काफी राहत मिले हे। मुख्य सचिव श्री अमिताभ जैन ह घलोक जिला म अभिलेख अपडेट करे अऊ रिकार्ड सुधारे के काम मन म उल्लेखनीय प्रगति ल सहराए हे। अऊ ए प्रकार ले आगू घलोक काम करे के हुकुम जिला प्रशासन ल देहे गए हे।
कलेक्टर श्री सुनील जैन ह कोरोना काल म घलोक किसान मन ले जुड़े राजस्व विभाग के काम-काज ल प्राथमिकता ले लेहे रहिन। मुख्य सचिव के हुकुम म राजस्व प्रकरण मन के निराकरण अऊ भू-अभिलेख अपडेशन के काम ल उमन टीएल म लेके एखर नियमित समीक्षा करत हें। ओ मन खुदे तहसील मन म पहुंचके निराकरण के तहकीकात घलोक करत हें अऊ अधीनस्थ राजस्व अधिकारी मन के मार्गदर्शन करत हें। एखर से पाछू तीन हफ्ता म निराकरण के गति म बनेच प्रगति आए हे। कलेक्टर ह बताइस के जिला के कई ठन तहसील कार्योलय मन म 15 जून ले नामांतरण बर 1395 आवेदन लंबित रहिस। अभियान के समय 824 प्रकरण मन के निराकरण करत नामांतरण के काम पूरा करे गए हे। भाटापारा तहसील के ग्राम पटपर निवासी अनुसूचित जाति के महिला गंगाबाई बांधे जल्दी आनलाईन नामांतरण हो जाय ले अड़बड़ खुश हे। वो ह अपन गांवे म 2 हजार स्क्वेयर फीट भू-खण्ड मकान बनाए बर खरीदे रहिस। ओ ह अब डायवर्सन, लोन आदि सबो काम आसानी ले कर पाही। अइसनहे बलौदाबाजार के ग्राम भाठागांव कोकड़ी निवासी महेन्द्र टण्डन ह अपन बेटा के नाम म भरसेली रैयतवाड़ी म 52 डिस्मील जमीन बिसाए हे। ओखर घलोक ये दौरान जल्दी नामांतरण हो जाय ले धान खरीदी पंजीयन संग आन जम्मो काम मन म अब वोला कोनो कठिनाई नइ होही। ये दौरान अभिलेख मन ल .त्रुटिहीन बनाए बर घलोक महत्वपूर्ण काम करे गए हे। ये दौरान 683 संदिग्ध खसरा मन के विलोपन, 175 जमीन मालिक विहीन खाता मन के निराकरण अऊ 2961 लुप्त खसरा मन के संकलन करे गए हे। खसरा मन के डिजिटल हस्ताक्षर के प्रतिशत घलोक अब 94.74 प्रतिशत ले बढ़के 97.22 प्रतिशत अऊ डिजिटल हस्ताक्षरित खाता मन के संख्या 96.83 प्रतिशत ले बढ़के 97.09 प्रतिशत हो गए हे। खसरा मन के नक्शा अपडेटशन के काम घलोक बढ़के 70.39 प्रतिशत हो गए हे। कलेक्टर ह सबो राजस्व अधिकारी मन ल बांचे काम मन ल घलोक शत-प्रतिशत पूरा करे के हुकुम देहे हें।
राजस्व मामला मन के निराकरण अऊ रिकार्ड अपडेशन काम म आईस तेजी: केवल तीन हफ्ता म रिकार्ड 824 नामांतरण
