मोहित ह धुंधलात आंखी म देखिस आईआईएम म दाखिला के सपना

मुख्यमंत्री कहिस- तुमन के सपना ल देबो अंजोर, फीस के चिंता अब हमार
मुख्यमंत्री ह मोहित के आईआईएम अहमदाबाद के 25 लाख रुपिया फीस ब कैबिनेट से मंजूरी के दिस निर्देश
आखी के जेनेटिक बीमारी ले जूझत हे भाई-बहन मोहित अउ मुस्कान के मुख्यमंत्री ज पूरति करिस आस

मैं अउ भईया आंखी के जेनेटिक बीमारी रेटिनाइटिस पिगमेंटोसा ले जूझत हन, ए बीमारी म धीरे-धीरे आंखी के रोसनी कम होत जाथे। मोला एको दाना देखाई नई दवय अउ भईया ल 50 प्रतिशत देखइ देथे।
जब भईया के चयन आईआईएम अहमदाबाद ब होइस य ऊंहा मे फुस जानके हमन पढई के उम्मीद ल छोड़ दीए रहे हन। हमन ल कहिस के आगे कोनो कछु कर सकत हे त ओ सिरिफ मुख्यमंत्री ही कर सकत हे।लेकिन हमन सोचन कि हमन मुख्यमंत्री तक कईसे पहुंचे सकबो?
जब मुख्यमंत्री निवास म मुस्कान ह ये सब बात मुख्यमंत्री श्री भूपेश बघेल ले कहींस त मुख्यमंत्री ह मुस्कान बिटिया ल कहिस- अरे ! अइसनहे कभू झन सोचबे तुमन के सपना ह जरूर पूरा होही। फीस के चिंता भूला जावा अउ खूब मन लगा के पढ़ई करा। मुख्यमंत्री ह मोहित के फीस ब 25 लाख रुपिया प्रदान करे के संबंध म प्रस्ताव कैबिनेट ले मंजूरी ब भेजे के निर्देश अधिकारि मन ल दिस हे।
मोहित मुख्यमंत्री ल बताइस की ओ ह रायपुर के रहने वाला आए। भारत के शीर्ष संस्थान आईआईएम अहमदाबाद के एंट्रेंस- कैट म ओकर 99.93 परसेंट ले चयन एमबीए ब होए हे। ऊहां 2 साल के फीस लगभग 25 लाख रुपिया हे।
मुस्कान ने मुख्यमंत्री ल बताइस कि ओ ह घलो अभी बनारस हिन्दू विश्वविद्यालय ले बीएड के पढ़ई करत हे। संगे संग दूनों भाई बहिनी ‘रे ऑफ होप‘ नाम से प्रोजेक्ट चलाथे। जेमा ओमन ह देश अऊ विदेश के विज़न के समस्या से जूझत लगभग 200 लोग मन ल मेंटल मैथ्स अउ इंग्लिश ऑनलाइन पढ़ाथे। ओमन ए काम ल अउ आघू ले जाना चाहत हे। मुख्यमंत्री श्री बघेल ह मोहित अउ मुस्कान के ओमन के लोगन मन के मदद करे के जज्बा के अबड़ सराहना करिस।