रायपुर, मुख्य सचिव श्री आर.पी. मण्डल ह आज इहां मंत्रालय महानदी भवन म ऊंखर प्रतिकक्ष म प्रस्तावित मध्य क्षेत्रीय परिषद के 28 जनवरी के प्रस्तावित बैठक के तैयारी मन के समीक्षा करिन। आप मन जानतेच हव कि केन्द्रीय गृह मंत्री के अध्यक्षता म मध्य क्षेत्रीय परिषद के बैठक प्रस्तावित हे। ये मा छत्तीसगढ़ संग मध्यप्रदेश, उत्तरप्रदेश अऊ उत्तराखण्ड के मुख्यमंत्री अउ मुख्य सचिव मन के सामिल होना प्रस्तावित हे। श्री मण्डल ह ये बैठक के तैयारी मन बर अपर मुख्य सचिव श्री सुब्रत साहू ल नोडल अधिकारी बनाए हे। बैठक म मुख्य सचिव ह अधिकारी मन ल सबो जरूरी तैयारी करे के निर्देश दिए हें। बैठक म अपर मुख्य सचिव वित्त श्री अमिताभ जैन, प्रमुख सचिव वाणिज्य अउ उद्योग अउ वन श्री मनोज कुमार पिंगवा, सचिव सामान्य प्रशासन श्री डी.डी. सिंह, सचिव राजस्व सुश्री रीता शांडिल्य संग आन विभाग मन के अधिकारी अउ दक्षिण मध्य पूर्व रेल्वे के वरिष्ठ अधिकारी उपस्थित रहिन।
मुख्य सचिव ह प्रस्तावित मध्य क्षेत्रीय परिषद के बैठक के तैयारी के करिन समीक्षा
