मुख्य सचिव ह राष्ट्रीय आदिवासी नृत्य महोत्सव के तैयारी मन के लीन जायजा

रायपुर, मुख्य सचिव श्री अमिताभ जैन ह आज साईंस कॉलेज मैदान म 28 अकटूबर ले आयोजित होवइया राष्ट्रीय आदिवासी नृत्य महोत्सव के तियारी मन के जायजा लीन। उमन साईंस कॉलेज मैदान पहुंचके उहां आयोजन के तियारी मन के निरीक्षण करिन। मुख्य सचिव ह आयोजन स्थल म मंच के व्यवस्था, दर्शक मन के बैठक व्यवस्था, अग्निशमन, पेयजल संग आन व्यवस्था मन के जानकारी लीन अऊ अधिकारी मन ल जरूरी निर्देश दीन। मुख्य सचिव ह कहिन कि राष्ट्रीय आदिवासी नृत्य महोत्सव अऊ राज्योत्सव 2021 के बेरा म सुव्यवस्थित यातायात के व्यवस्था ठउका करे जाय। उमन कार्यक्रम स्थल तक अवइया वाहन मन बर निरधारित मार्ग अऊ पार्किंग स्थल के व्यवस्था के बारे म व्यापक प्रचार-प्रसार करे के निर्देश दीन, जेखर से आम जनता ल कोनो असुविधा झन होवय।
ये बेरा म पुलिस महानिदेशक श्री डी. एम. अवस्थी, पुलिस महानिरीक्षक श्री आनंद छाबड़ा, संस्कृति विभाग के सचिव श्री अन्बलगन पी., रायपुर कलेक्टर श्री सौरभ कुमार, पुलिस अधीक्षक श्री प्रशांत अग्रवाल संग वरिष्ठ अधिकारी उपस्थित रहिन।