ए देवारी गौठान के गोबर के दीया ले मुख्यमंत्री निवास म अंजोर होही। मुख्यमंत्री श्री भूपेश बघेल आज बस्तर ले लहुटे के बाद देवारी के खरीदी करे सीधा राजधानी रायपुर के तेलीबांधा तालाब पहुंचिन। इहां रस्ता म छत्तीसगढ़ माटीकला बोर्ड, छत्तीसगढ़ हस्तशिल्प विकास बोर्ड, छत्तीसगढ़ राज्य ग्रामीण आजीविका मिशन-बिहान अऊ देवभोग के स्टॉल लगे हे। ए स्टॉल मन म छत्तीसगढ़ के कुम्हार, हस्तशिल्पि, स्व सहायता समूह मन के महिला मन अउ आन कारीगर मन कोति ले बनाए दीया, सजावट के जिनिस, उपहार, छत्तीसगढ़ी व्यंजन संग आन समान प्रदर्शन अऊ विक्रय बर रखे गए हे। बिहान के स्टॉल म महिला समूह मन कोति ले गौठान मन के गोबर ले बनाय गए दीया अऊ आन सजावटी समान बेचावत हे। मुख्यमंत्री श्री बघेल ह इहां पहुंचके देवारी बर मिट्टी अऊ गौठान मन के गोबर ले बने दीया, देवभोग के बनाए मिठइ अउ दूध ले बने आन सामान, महिला समूह मन कोति ले तियार छत्तीसगढ़ी व्यंजन के संग आन समान के खरीदी करिन। उमन महिला समूह मन अऊ कारीगर मन ले ये समान मन के बनाये के विधि के सबंध म जानकारी घलोक लीन अऊ उंखर उत्साहवर्धन करिन।मुख्यमंत्री ह ए अवसर म पाटन के कुम्हार मन के बनाए 5 हजार दीया बिसा के उन्हा उपस्थित मनखे मन ल बांटिन।
