अंबिकापुर म आरआई गिरफ्तार, ACB ह रंगे हाथ रिश्वत लेवत पकड़िस

अंबिकापुर, 7 अगस्त 2020। अंबिकापुर म एंटी करप्शन ब्यूरो (ACB) ह आरआई (RI) ल सह कार्यालय ले 8 हजार रिश्वत लेवत रंगे हाथ गिरफ्तार करे हे। डीएसपी एंटी करप्शन ब्यूरो गौरव मंडल के अनुसार अंबिकापुर के अर्चना खाखा के जमीन नापे के बाद नक्शा बनाये के एवज म ठाकुरपुर हल्का पटवारी नंबर-57 राजबहादुर सिंह ह 10 हजार रुपिया के मांग करे रिहिस। महिला ह एखर शिकायत एसीबी अंबिकापुर कार्यालय म करे रिहिस। महिला के शिकायत के बाद एसीबी के टीम ह आरोपी आरआई राजबहादुर सिंह ल ओखर कार्यालय ले 8 हजार रुपिया के रिश्वत लेवत रंगे हाथ गिरफ्तार करे हे। आरोपी के खिलाफ धारा 7 पीसी एक्ट 1988 अउ संशोधन अधिनियम 2018 के तहत गिरफ्तार करके न्यायालय म पेश करे जाही।