सीईओ जिला पंचायत ह तीरथगढ़ गोठान म बीजा लाडू स्टीकर के करिस उद्घाटन

जगदलपुर, 17 जून 2021। जिला पंचायत के मुख्य कार्यपालन अधिकारी श्रीमती ऋचा प्रकाश चौधरी ह आज दरभा विकासखण्ड के ग्राम तीरथगढ़ के गोठान म बीजा लाडू बर स्टीकर के उद्घाटन करिस। जानबा हे कि बस्तर जिला के प्रसिद्ध पर्यटन स्थल तीरथगढ़ म सैलानी मन ल आकर्षित करे अऊ पर्यटन ल बढावा देहे बर महिला स्व-सहायता समूह मन गोबर अऊ मिट्टी म पौधा के बीज डालके बीजा लाडू के निर्माण करे हें। तीरथगढ़ क्षेत्र म अवईया पर्यटक मन ल ये बीजा लाडू प्रदान करे जाही। पर्यटक बीजा लाडू ल कोनो खाली या बंजर जमीन या जंगल म फेंक के पर्यावरण संरक्षण म अपन योगदान दे सकत हे। जिला पंचायत के मुख्य कार्यपालन अधिकारी श्रीमती ऋचा प्रकाश चौधरी ह पर्यावरण के संरक्षण बर शुरू करे गए जिला प्रशासन के अभिनव प्रयास के सराहना करिस। एखर अलावा उमन बीजा लाडू के निर्माण काम म महिला स्व-सहायता समूह मन भूमिका के घलोक भूरी-भूरी प्रशंसा करत समूह के महिला मन के उत्साह वर्धन करिस।