कवर्धा, 24 दिसम्बर 2020। राज्य के सीमा क्षेत्र म अवैध शराब, गांजा तस्कर अऊ अन्य आपराधिक गतिविधी म सतत् निगरानी करत हुए लगातार प्रभावी कार्यवाही करे जाय बर निर्देशित करे गए हे। अपराध म संलिप्त मनखे मन के संबंध म लगातार जानकारी प्राप्त करे गिस। इही तारतम्य म 23 दिसम्बर के रात के मुखबिर ले सूचना प्राप्त होइस कि रायपुर के डाहर ले होत हुए जबलपुर के डाहर ट्रक म अवैध गांजा के परिवहन होवइया हे। सूचना के संबंध म थाना प्रभारी चिल्फी द्वारा वरिष्ठ अधिकारी ल अवगत कराय गिस। वरिष्ठ अधिकारी मन ले प्राप्त निर्देश के आधार म मध्यप्रदेश राज्य ले जावइया सबो मुख्य मार्ग म नाकाबंदी पांइट लगाय गिस। इही दौरान मुखबिर द्वारा प्रदाय सूचना अऊ हुलिया के आधार म एक 10 चक्का ट्रक रायपुर जबलपुर नेशनल मार्ग ले होत हुए आवत रिहिस।
थाना चिल्फी के आगु मुख्य मार्ग म लगे नाकाबंदी पांइट ट्रक ल रूकवइस। तलाशी पश्चात ट्रक के केबिन अऊ ट्राली के बीच के संरचना ल परिवर्तित करके मोडिफाई चेम्बर बना के, जेखर अंदर मादक पदार्थ भरके बाहर ले नट बोल्ट ले कसके छुपाके रखे कुल 675 किलो गांजा ल जब्त करे गए हे। ओडिसा के गांजा सरगना प्रमोद कुमार घोष उम्र 20 वर्ष ल गिरफ्तार करे गए हे। कुल जब्त गांजा के मात्रा वजनी 6 क्विंटल पचहत्तर किलो, कीमत 67 लाख 50 हजार रुपिया अऊ घटना म प्रयुक्त दस चक्का वाहन कीमत 25 लाख रुपिया ल जब्त करके कब्जा म लेहे गए हे। आरोपी ल गिरफ्तार करके न्यायालय पेश करे गए हे। वर्जन नेशनल हाइवे ले अंतरराज्यीय गांजा के सप्लाई अवैध रूप ले करे जावत रिहिस। मुखबिर के सूचना म 67 लाख 50 हजार रुपिया के गांजा जब्त करे गए हे।
रमाकांत तिवारी टीआई थाना चिल्फी
गुरतुर गोठ बर- भीषम वर्मा
