धमतरी, 29 नवम्बर 2020। जिला के नगरी क्षेत्र अंतर्गत ग्राम कोटाभर्री के पास एक मनखे ल पुलिस ह तेंदुआ के खाल के संग गिरफ्तार करे हे। मिले जानकारी के अनुसार नगरी पुलिस ल सूचना मिलिस कि ग्राम कोटाभर्री के पास एक तेंदुआ के खाल ल बेचे के फिराक म घूमत हे। एखर पड़ताल बर टीम रवाना होइस। पुलिस ल आत हुए देखीस त ओ मनखे ह भागे के कोशिश करत रिहिस। पुलिस ह पकड़ के पूछताछ करिस। युवक के कब्जा ले तेंदुआ के खाल बरामद करे गए हे। नगरी थाना प्रभारी विनय पम्मार ह बतइस कि युवक ले तेंदुए के खाल बरामद करके आगु के जांच कार्यवाही करे जावत हे। खाल ल कहां ले लेके आय हे या खुद ही तेंदुआ के शिकार करे हे, एखर पता लगाय जावत हे। युवक के नाम कुम्भलल नेताम निवासी ग्राम रतावा बताय गए हे।
गुरतुर गोठ बर- भीषम वर्मा
