रीपा में महिला मन बनात हे सुंदर गणेश प्रतिमा, मांग के अनुरूप आजीविका के मिलिस नवा जरिया

अम्बिकापुर 29 अगस्त 2023
आगामी भगवान गणेश पूजा तिहार के मद्देनजर महात्मा गांधी ग्रामीण औद्योगिक पार्क यानी रीपा में महिला मन बड़ उत्साह के संग सुघ्घर गणेश प्रतिमा बनात हे। रीपा मेंड्राकला में गणेश प्रतिमा निर्माण उत्पादक समूह कर्मी अउ शक्ति समूह की महिला मन के द्वारा सुरू करे गए हे।
मुख्यमंत्री श्री भूपेश बघेल के नेतृत्व में रीपा के माध्यम से युवा अउ महिला मन के कुशल उद्यमी बने के सफर जारी हे। जिला में संचालित रीपा ले युवा अउ महिला मन ल जोड़ के ग्रामीण छेत्र में स्थाई आर्थिक विकास ल बढ़ावा दिए जाथ हे।
भगवान गणेश प्रतिमा निर्माण अउ विक्रय ले आजीविका ले जुड़े महिला मन बतात हे कि ग्राम मेंड्राकला रीपा अंतर्गत आगामी तिहार अनुरूप गणेश मूर्ति निर्माण के काम सुरू करे गए हे। जेकर से सरगुजा जिला में अलग पहिचान के संग आय घलो अर्जित कर पात हे। ओ ह बताइस कि अभी तक बेचरी ले 7000 रुपिया तक के राशि शुद्ध रूप ले समूह ल प्राप्त होए हे। ओ ह ए घलो बताइस कि मूर्ति निर्माण के काम आर्डर के रूप में करे जाथ हे अउ शहर में स्टॉल लगा के बेचे जाथ हे। एकर फलस्वरूप अब जिला में रीपा रोजगार ले केन्द्र बन सरलग आघू बाढ़त हे।