रीपा ह बदलिस तकदीर, अब नई जाए ब लगे जम्मू कश्मीर

रीपा योजना करत हे सफल उद्यमी बने के सपना साकार
गोविंदा गौठान में रीपा ले जुड़ के जय बजरंगबली स्वसहायता समूह के सदस्य बनात हे दोना पत्तल
जांजगीर-चांपा 23 सितंबर 2023
छत्तीसगढ़ शासन के महत्वाकांक्षी योजना के अंतर्गत बने गौठान मन में संचालित करे जाथ हे रूरल इंडस्ट्रियल पार्क (रीपा) ले ग्रामीण युवा, महिला अउ पुरुष मन के जिन्दगी संवरत हे। रीपा ले आत्मनिर्भर बनाए के प्रयास के सकारात्मक अउ बेहतर परिणाम सामने आए लगे हे। ग्रामीण महिला-पुरुष, युवा अब खुद रीपा योजना अंतर्गत रोजगार प्राप्त कर अपन पैर म खड़ा होवत हे।
कलेक्टर सुश्री ऋचा प्रकाश चौधरी के निर्देशन में गोविंदा गौठान में संचालित महात्मा गांधी ग्रामीण औद्योगिक पार्क (रीपा) में, इहां के ग्रामीण युवा मन ह उद्यमी बने के दिशा में आघू कदम बढ़ात हुए रीपा से जुड़ के दोना-पतरी बनाए के बुता करत हे। उकर समूह के सदस्य मन द्वारा बनाए जाए वाले दोना पतरी के मांग उकर गांव सहित आसपास के क्षेत्र में दिनों दिन बाढ़त हे अउ दुकानदार घलो उमन से दोना पतरी बिसाए ब जादा संख्या में जुड़त हे। ए युवा मन ह अपन मेहनत अउ ऊर्जा ले विगत माह में 30 हजार मुनाफा कमा लिए हे। ओ ह कभू नई सोचे रहिस कि ओमन ल अपन ग्रामीण क्षेत्र में ए प्रकार के रोजगार कभू मिल सकही। स्वसहायता समूह के अध्यक्ष रतन माझी बतात हे कि पहिली उकर आर्थिक स्थिति बने नई रहीस हे पईसाके तंगी रहत रहिस। ओ ह मेहनत मजदूरी करे ब जम्मू कश्मीर जावय फेर जब ले ओला पता चलिस की छत्तीसगढ़ सरकार ह महात्मा गांधी ग्रामीण औद्योगिक पार्क (रीपा) अंतर्गत आजीविका संबंधी रोजगार देवत हे तब ले ओ ह तुरते रीपा ले जुड़ के छत्तीसगढ़ शासन के मदद ले दोना पतरी बनाए के मशीन अउ पेपर कप बनाए के मशीन लिस अउ आज ओकर से दोना पतरी बना के विगत महीना में हीं लगभग 30 हजार रुपिया के लाभ पा गए हे अउ अब रोजी मजदूरी ह बाहिर नई जाए ल पड़य।