रीपा बनत हे महिला मन के आर्थिक समृद्धि के आधार

वनांचल क्षेत्र के महिला समूह ह पोल्ट्री फार्मिंग में पाईस सफलता,
12 लाख से जादा मुर्गी अंडा के करे हे बेचरी
रायपुर, 23 सितंबर 2023
गौठान मन में बनाए गए महात्मा गांधी ग्रामीण औद्योगिक पार्क (रीपा) अब महिला मन के आर्थिक समृद्धि के आधार बनत जात हे। एकर से ग्रामीण महिला मन के जीवन में घलो सकारात्मक बदलाव आए लगे हे। आत्मनिर्भरता आए ले सामाजिक रूप से उमन के सम्मान घलो बाढ़ीस हे। प्रदेश के दूरस्थ वनांचल क्षेत्र कोंडागांव के छोटे राजपुर में महात्मा गांधी ग्रामीण औद्योगिक पार्क के स्थापना ले इहां कस महिला मन ल रोजगार के नवा रद्दा मिलिस हे । इहां बमलेश्वरी महिला स्व सहायता समूह ह ए  बछर मार्च में पोल्ट्री फॉर्मिंंग के बुता सुरू कर के बने सफलता पाईस हे। महिला समूह ह पोल्ट्री फॉर्मिंंग ले 6 महीना में ही 2 लाख 33 हजार ले जादा अंडा उत्पादन कर डारिस हे। एमा से 2 लाख साढ़े 26 हजार अंडा बेचा घलो गे हे । समूह अभी तक 12 लाख 91 हजार रुपिया के अंडा बेच डारे हे। ए समूह महिला अउ बाल विकास विभाग के संग ही स्थानीय व्यापारी मन घलो आपूर्ति करत हे। जेकर से समूह के महिला सदस्य मन के आय बढ़िस हे। जेकर से इमन के जीवन स्तर में सुधार के संग ही सम्मान में घलो बढ़ोतरी होइस हे।
बमलेश्वरी महिला स्व-सहायता समूह के जादातर महिला मन रीपा म बुता सुरू करे के पहिली घरेलू काम के संग मजदूरी करत रहिस हे। उमन ल खेती-किसानी घानी काम तो मिल जाए, फेर बाकी समय उमन ल बुता मिले म मुश्किल होवय। गांव में ग्रामीण औद्योगिक पार्क खुले के बाद उमन ह इहां अंडा उत्पादन कस बुता सुरू करिस। रीपा में इमन ल बिजली, पानी, लेयर फार्मिंग के संग जघा आदि सुविधा मिले से कार्य प्रारंभ करने में आसानी होइस। प्रोटीन के प्रचुर स्रोत अंडा के मांग बाजार में बने होए के सेती बेचे के समस्या घलो नई होइस। समूह के सदस्य मन ह रीपा के माध्यम से गांव में ही रोजगार के अच्छा माध्यम उपलब्ध कराए ब मुख्यमंत्री श्री भूपेश बघेल के प्रति आभार जताइस हे।