स्टेशनरी बेच के महिला मन ह कमाइस 18 हज़ार
मनेंद्रगढ़, 23 अगस्त 2023
प्रदेश सरकार महात्मा गांधी ग्रामीण औद्योगिक पार्क (रीपा) के माध्यम ले महिला अउ युवा मन ल रोजगार अउ स्व रोज़गार के सुनहरा अवसर देहे के काम करत हे। शासन के इही सार्थक प्रयास ले उद्यमी आर्थिक रूप से सशक्त होवत हे। नवगठित मनेंद्रगढ़-चिरमिरी-भरतपुर जिला के परसगढ़ी ग्राम के रीपा में काम करे वाली दीदी मन ह स्टेशनरी सामग्री बनाए के बुता करत हे। रीपा में स्टेशनरी-पिं्रट यूनिट स्थापित करे गए हे जेमा शिव महिला स्व-सहायता समूह के 7 दीदियाँ कार्यरत हे। समूह के अध्यक्ष श्रीमती रनिया सिंह ह बताइस कि उमन विभिन्न स्टेशनरी उत्पाद जईसे कॉपी अउ फ़ाईल पेड बनात हे। रीपा में तैयार उत्पाद सामग्री ल सरकारी अउ ग़ैर सरकारी कार्यालयो, स्कूल, शाला-आश्रम मन में मांग अनुसार उपलब्ध कराय जाथ हे। ओ ह बताइस कि हमन ह 40 हज़ार 560 रुपिया के सामग्री बेच डारे हन जेमा के 18 हज़ार 210 रुपिया के शुद्ध आय प्राप्त होए हे। समिति के सचिव श्रीमती सुमित्रा सिंह ह बताइस कि हमन ह स्टेशनरी निर्माण काम ल विगत 3 महीना ले करत हन। सामग्री बेचे ब हमन मार्केटिंग घलो करत हन ताकि जादा से जादा लोगन मन ल एकर जानकारी मिले।