रीपा में स्थित तेल मिल प्रोसेसिंग यूनिट से समूह के महिला मन हो रही हसशक्त

रायपुर, 28 सितंबर 2023

छत्तीसगढ़ सरकार के महत्वाकांक्षी योजना के अंतर्गत बने गौठान मन में संचालित करे जाथ हे रूरल इंडस्ट्रियल पार्क (रीपा) से ग्रामीण अउ महिला मन के जिनगी संवरत हे।
नारायणपुर जिला के ग्राम पंचायत कोलियारी (नेतानार) केे रीपा में उहां के महिला मन ह तेल मिल प्रोसेसिंग यूनिट स्थापित करे हावय। जेमा बजरंगी स्व-सहायता समूह के 10 झन सदस्य म ल रीपा ले जोड़ के तेल मिल प्रोसेसिंग यूनिट में प्रोसेंसिंग अउ पैकेजिंग संबंधित प्रशिक्षण दिए गए हे। प्रशिक्षण के बाद बजरंगी स्व-सहायता के समूह के द्वारा आसपास के किसान मन से तिलहन फसल बिसा के ओला प्रोसेसिंग अउ पैकेजिंग कर के बजार में बड़ मात्रा में बेचे जाथ हे। तेल के उत्तम गुणवत्ता के सेती दिनों-दिन एकर मांग बजार में बाढ़त जाथ हे। समूह ह अभी तक 600 लीटर तेल के पैकिंग कर डारे हे , जेकर कीमत प्रति लीटर 250 रूपिया हे। समूह कती ले अभी तक 1 लाख 50 हजार रूपिया तक के तेल के बेचरी कर डारे हे। ए समूह ल वर्तमान में लगभग 10 लाख रूपिया तक के तेल के आर्डर मिल गए हे। बजरंगी समूह के महिला मन के कहना हे कि तेल प्रोसेसिंग यूनिट बुता के संग संग हमन अपन घर के खेती बुता अउ मनरेगा के घलो बुता करत हे। ओ ह कहिस कि ए बुता ल कर के हमन अबड़ खुस हन, काबर कि एकर से बढ़िया आमदनी होए से परिवार के भरण-पोषण में सहयोग मिलत हे।